SSRİ-də gözəl qızlar çox idi. Zarafat deyil, söhbət indi 15 ölkənin ərazisini əhatə edən böyük imperiyadan gedirdi.
Rusiya mətbuatında SSRİ-nin ən gözəl 5 qızını müəyyənləşdirməyə çalışıblar. Bizimyol.info rusların versiyasını sizə təqdim edir.
Lyubov Polişuk – Onu əminlikdə SSRİ kinosunun ulduzu adlandırmaq olar. Təkcə “12 stul” və “İnterqız” filmlərinin adlarını çəkmək kifayətdir. 2006-cı ildə vəfat edən Polişuk 100-dən çox filmdə çəkilib. SSRİ-də onun gözəlliyinə heç vaxt şəkk gətirməyiblər.
İrina Alfyorova – Onu çoxlarımız tanıyırıq. SSRİ-də İrinaya eşq elan edən kişilərin sayı-hesabı yox idi. “D’Artanyan və üç muşketyor” filmindən sonra çox məşhurlaşmışdı. Martda 69 yaşını qeyd eləməyə hazırlaşır. Hələ də Rusiya kinosunda SSRİ-nin ən gözəl aktrisalarından birinə ehtiyac duyurlar.
Viktoriya Fyodorova – SSRİ-də doğulub, ABŞ-da vəfat etmişdi. Gənclik şəkillərinin iki göz istəyir daim tamaşasında dursun. Onun təbəssümünü tərəf-müqabilləri heç vaxt unuda bilmirdilər. Özünə Amerika kinosunda da yer tapmağı bacarmışdı. Fotomodel kimi çox məşhurlaşmışdı.
Alla Nazimova – Hələ Rusiya İmperiyası dövründə doğulmuşdu. Teatrda özündən çox söz etdirmişdi. Həm gözəl idi, həm də rollarının öhdəsindən məharətlə gəlirdi. İnqilabdan sonra okeanın o tayına üz tutmuşdu. Maraqlı fakt: Alla ABŞ-ın keçmiş prezidenti Ronald Reyqanın qızı Nensinin xaç anası olub.
Natalya Varley – SSRİ-nin ən əsas idmançı qızı və komsomol üzvü sayılırdı. Rumıniyada doğulmuşdu, uşaqlığı Murmansk şəhərində keçmişdi. Əsli Uelsə gedib çıxırdı. Çox kişinin ağlını əlindən almağı bacarmışdı.