"Barselona" futbol komandasının kapitanı Lionel Messi İspaniyanın 18-ci turunun "Alaves"lə matçında komandasının növbəti qolunu vurub.

Barselonanın "Kamp Nou" stadionunda keçirilən qarşılaşma "Barselona"nın 4:1 hesablı qələbəsi lə başa çatıb.

Bununla da argentinalı futbolçu cari ildə 50-ci qolunu vurub. Otuz iki yaşlı hücumçu ardıcıl altıncı dəfə bu göstəriciyə nail olub. Leo habelə 10 il ərzində doqquzuncu dəfədir ki, il ərzində 50 qola imza atır. Daha əvvəl hücumçu 2010, 2011, 2012, 2014, 2015, 2016, 2017 və 2018-ci illərdə ən azı 50 qol vurub.(report)