Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
“Şərurlu İsfəndiyar”məhkəmədə dindirildi: “16 yaşımdan bənnalıq eləmişəm”
Şərurlu İsfəndiyar

Azərbaycanda 72 nəfəri mənzil satışı adıyla aldatmaqda suçlanan Türkiyə vətəndaşı Hikmet Yiğitdöl məhkəmə qarşısına çıxarılıb.

Bizimyol.info xəbər verir ki, “Home Paş Prestij” Mənzil-Tikinti Kooperativinin rəhbəri olan H.Yiğitdöl eyni mənzillərin bir neçə nəfərə satılması, tikintisinə icazə verilməyən binadan mənzil satışı vədiylə pul alıb adamları aldatmaqda ittiham olunur.

Mənzil almaqdan ötrü pul verib aldadılan şəxslər aylardır ki, Bakı Ağır Cinayətlər Məhkəməsində H.Yiğitdöldən ya pullarının qaytarılması, ya da mənzillərinin təhvil verilməsini tələb edirlər.

Araz Vəlizadə deyir ki, 2014-cü ildə H.Yiğitdölün şirkətinin tikdiyi binadan ev almaq istəyib. O zaman öz evini 115 min dollara satıb, 110 minini yeni mənzil üçün verib: “Bütün danışıqları Hikmetin özü ilə apardım. Demişdi ki, iki aya evi təhvil verəcəklər. Həmin ərəfədə Qabil adlı adamla birlikdə işləyirdilər, o da yanında idi. Dedikləri vaxt bitdi, amma evi təhvil vermədilər, bizi get-gələ saldılar. Öyrəndim ki, eyni evi bir neçə nəfərə satıblar. Sonra da bizə mövcud olmayan bir binadan ev verəcəklərini dedilər. Həmin binanı 16-cı mərtəbədən yuxarı tikməyə icazə verməyiblər. Bunlar isə camaata 21-ci mərtəbədən ev satıblar”.

H.Yiğitdöl isə A.Vəlizadəyə də, başqa zərərçəkənlərə də pul verməyəcəyini deyir. Bildirir ki, pulları mənimsəyən, vətəndaşları aldadan o yox, keçmiş şəriki Qabil Əliyev olub. Onun sözlərinə görə, “Home Paş Prestij” MTK binanın iki blokunun tikintisini bitirəndən sonra 2013-cü ildə Q.Əliyevlə tanış olublar: “Onunla bərabər 3-cü blokun tikintisinə başladıq. Aramızda müqavilə bağladıq ki, tikintidən 20 faiz ona pay verməklə, tikinti işlərini Qabil aparsın, lazımi maliyyəni ayırsın. Amma o, mənim Azərbaycanda olmamağımdan istifadə edib, ikinci möhür düzəltdirib”.

Onun sözlərinə görə, Q.Əliyev təsisçilərin razılığı, təsis protokolu olmadan Bakı Şəhər İcra Hakimiyyətinə məktub yazıb, H.Yiğitdölün adından saxta imza ataraq 0.73 hektar torpaq sahəsini özünə məxsus “İnter” MMC-nin adına keçirib. Meriyadan 23 oktyabr 2015-ci ildə sərəncam alandan sonra tikintini “İnter” MMC-nin adından aparmağa başlayıb. Sonra vətəndaşlara yaşayış və qeyri-yaşayış sahəsi satıb: “Mən bunu öyrənəndən sonra 2 saylı Bakı İnzibati-İqtisadi Məhkəməsinə müraciət etdim. Həmin sərəncam məhkəmənin qərarıyla etibarsız sayıldı. Qabil Əliyev məni də aldadaraq xeyli ziyan vurub. O, indi də bina tikir. Evləri təhvil versin”.

Bu məhkəmədə işadamı, bina tikintisilə məşğul olan və "Şərurlu İsfəndiyar" kimi tanınan işadamı İsfəndiyar Axundov da ifadə verib. O, şahid kimi dindirilən zaman H.Yiğitdöl onu da ittiham edib. Deyib ki, onun çətin vəziyyətə salınmasında İ.Axundovun da rolu var.

H.Yiğitdöl inşa etdirdiyi mənzillərin bir neçəsini rəsmi sənədlərlə “Şərurlu İsfəndiyar”a verib. Bunun qarşılığında isə türkiyəli iş adamı ilə biznes əlaqəsi qurulub.

Türkiyəli işadamına cavab verən İ.Axundov bildirib ki, heç kimi aldatmayıb, ortada sənədlər var:

“Mən 16 yaşımdan bənnalıq eləmişəm. Bu günə qədər öz zəhmətimlə gəlmişəm. Bir binanı tikib təhvil verə bilməmisən, amma məni ittiham edirsən. Mən Bakıda 77 bina tikmişəm. Bunu məndən başqa heç kim etməyib. Mən təmiz, düz işlədiyim üçün bura qədər gəlib çıxmışam".

Paylaş »
››› Seçici görüşə gələn deputatı biabır etdi - Video
››› Xristianlığı qəbul edən 5 türk xalqı - Fotolar
››› "Aztelekom" məhkəməyə verildi – Müştəriləri “oğurladığına” görə
››› Bir ailənin 3 üzvünün öldüyü qəza yerindən görüntülər - Video
››› Müsəlmanlara qarşı hörmətsizlik edən şirkət cəzalandırıldı

Deputatlığa namizədlərin nəzərinə!

Milli Məclisə seçkilərdə təbliğat-təşviqat kampaniyası artıq başlayıb. Bizim Yol olaraq bildirmək istəyirik ki, biz namizədlərlə yalnız rəsmi müqavilə əsasında əməkdaşlıq edə, onların təbliğat-təşviqat kampaniyasında iştirak edərək dəstək verə bilərik. Bütün layiqli namizədlərə uğurlar arzulayırıq!

Son xəbərlər
Bütün xəbərlər »