Ermənistan Baş Prokurorluğu sabiq Prezident Serj Sarqsyana qarşı irəli sürdüyü ittihamları geri götürməkdən imtina edib.
Bu barədəa “RİA Novosti” agentliyinə prokurorluğun sözçüsü Arevik Xaçatryan məlumat verib.
Daha əvvəl Ermənistanın Xüsusi İstintaq Xidməti Sarqsyanı israfçılıq edərək dövlətin bir milyondan çox vəsaitini mənimsəməkdə ittiham etmişdi.
Eks-prezident ittihamları qəbul etməyərək, istintaq işini siyasi təqib kimi dəyərləndirib.
Ermənistanda hakimiyyət dəyişikliyindən sonra ölkənin bir sıra keçmiş rəhbərlərinə qarşı cinayət işləri açılıb.
