Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Dünyanın ən gənc qadın baş naziri bu həftə işə başlayacaq - Foto
Helsinki, Finlandiya

Finlandiyada Sosial Demokrat Partiyasının lideri seçilən 34 yaşlı Sanna Marin dünyanın ən gənc baş naziri olub. Şimali Avropada yerləşən Finlandiyada dövlət idarəçiliyinin qadınlara həvalə edilməsi tendensiyası güclənib.

Bizimyol.info xəbər verir ki, belə gənc yaşda baş nazir postuna gələn ilk qadın olan Marin buna qədər nəqliyyat və rabitə naziri postunu tutub. Daha əvvəl - 27 yaşında olarkən Sanna Marin Tampere əyalətinin meri seçilmişdi.

Ötən həftə ölkədə yer alan siyasi böhranın ardından Anti Rinne həm baş nazir, həm də Sosial Demokrat Partiyasının lideri vəzifələrindən istefa vermişdi. Ardından keçirilən səsvermə nəticəsində Marin həm partiya sədri, həm də baş nazir postuna seçilib. Onun bu həftə and içərək işə başlayacağı bildirilib. Artıq dekabrın 12-də Marinin Avropa Birliyi sammitində Finlandiyanı təmsil edəcəyi gözlənilir. Hazırda quruma məhz Finlandiya sədrlik edir.

Sanna Marin Sanna Marin

Sanna Marinin quracağı hökumətdə qadınların çoxluq təşkil edəcəyi gözlənilir.

Qeyd edək ki, Marin belə gənc yaşlarında baş nazir olan ilk siyasətçi deyil. Daha əvvəl 35 yaşında Oleksey Qonçaruk Ukraynanın və elə həmin yaşda Cakinda Ardern Yeni Zelandiyanın baş naziri olmuşdu.

Paylaş »
››› Nərminin qətlində təqsirləndirilən İlkin: “Mən eləməmişəm, döyürdülər, “tok”a verirdilər”
››› Suriyada müharibə qızışdı: 40 ölü, 80 yaralı - Türkiyədən Rusiyaya "dur" tələbi
››› Nərminin əmisi İlkin Süleymanovun atasına cavab verib
››› Arvadının rəfiqəsi ilə paylaşdığı sirri öyrənən ər dərhal boşandı
››› Pul alarkən kameraya yaxalanan polis əməkdaşı ölüb - Foto

Deputatlığa namizədlərin nəzərinə!

Milli Məclisə seçkilərdə təbliğat-təşviqat kampaniyası artıq başlayıb. Bizim Yol olaraq bildirmək istəyirik ki, biz namizədlərlə yalnız rəsmi müqavilə əsasında əməkdaşlıq edə, onların təbliğat-təşviqat kampaniyasında iştirak edərək dəstək verə bilərik. Bütün layiqli namizədlərə uğurlar arzulayırıq!

Son xəbərlər
Bütün xəbərlər »