İsrail İranın nüvə silahı əldə etməsinin qarşısını almaq üçün hava zərbələri endirməyə hazırdır.

Belə bəyanatla İsrailin xarici işlər naziri İsrael Kats İtaliyanın “Corriere della Sera” qəzetinə müsahibəsində çıxış edib.

İsrailin xarici işlər naziri İsrael Kats

“İranın bombardman edilməsi İsrailin nəzərdən keçirdiyi variantdırmı?”,-jurnalist soruşub.

“Bəli, bu variantdır. Biz İrana imkan vermərik ki, nüvə silahı əldə etsin və ya onu hazırlasın. Əgər bu İranı dayandırmaq üçün sonuncu imkan olarsı biz hərbi spektrdə hərəkət etməyə hazırıq”,-İsrael Kats bildirib.

Nazir Avropa ölkələrini tənqid edərək deyib ki, onlar Birləşmiş Ştatların İrana qarşı təzyiqlərinə dəstək vermirlər. “İranlılar nə qədər ki, özlərini aldadıb Avropanın onları dəstəklədiyini düşünürlər, geri çəkilmək onlar üçün asan deyil”,-Kats deyib. (Virtualaz.org)