"Mənim sevimli həkimim Tez-tez işlətdiyimiz və rastlaşdığımız bir arzu var – dünyada ən şirin nemət olan uzun ömür, can sağlığı. Bəlkə də, fərqinə varmadan yüz dəfə arzulayırıq doğmalarımıza, tanışlarımıza. Bu arzunun əsil qiymətini isə səhhətimizdə problem yarananda dərk edirik."

Bunu Bizimyol.info-ya Yasamal rayonMərkəzi Kitabxanasının İnformasiya-resurs şöbəsinin müdiri Təranə Heydərova yazıb.

"2012-ci ildən bəri səhhətimlə bağlı problemlər yaşayıram. Haşemoto xəstəliyindən əziyyət çəkirəm. Dövlət Təhlükəsizlik Xidmətinin Hərbi Tibb İdarəsinin həkim-endokrinoloqu Arzu Nəbiyevaya müraciət edəndə vəziyyətim kritik idi. Ancaq müalicələr, vaxtaşırı müayinələr düzgün həkim diaqnozu və müalicəsi məni normal həyata qaytardı. Artıq müayinələrdən keçir, vaxtlı-vaxtında müalicələrimi davam etdirirəm. Sağlığıma qovuşduğum üçün gözəl insan, əsl dost, qayğıkeş həkim Arzu Nəbiyevaya təşəkkürümü bildirirəm."