Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Vasif Talıbovdan absurd sərəncam: Özəl universitetə rektor təyin edib
Vasif Talıbov

Naxçıvan Muxtar Respublikası Ali Məclisinin sədri Vasif Talıbovun “Naxçıvan” Universitetinə terktor təyin etməsində ziddiyyət var.

Vasif Talıbov dekabrın 5-də Nurlana Sabir qızı Əliyevanın “Naxçıvan” Universitetinin rektoru təyin edilməsi haqqında sərəncam imzalayıb.

Məsələ burasındadır ki, “Naxçıvan” Universiteti özəl təhsil müəssisədir. Bu barədə universitetin veb-səhifəsində də qeyd var. “Universitet Azərbaycanın paytaxtı Bakı şəhərindən kənarda yerləşən yeganə özəl ali təhsil ocağıdır”, - deyə Naxçıvan Universiteti haqqındakı bölümdə qeyd edilib. Bəs o zaman Vasif Talıbov özəl universitetə Naxçıvan Ali Məclisinin sədri olaraq necə rektor təyin edib?

Universitet dövlət müəssisəsi olsaydı belə, Ali Məclis sədri ora rektor təyin edə bilməzdi. Çünki Azərbaycan qanunvericliyinə görə dövlət ali təhsil müəssisələrinə rəhbər təyinatı Azərbaycan Prezidentinin səlahiyyətinə aid məsələdir.

Hüquqşünas Ələsgər Məmmədli məsələni Yenisabah.az-a şərh edərkən bildirib ki, Vasif Talıbovun Ali Məclis sədri kimi özəl universitetə rektor təyin etməsi səlahiyyət həddini aşmasıdır. “Ola bilsin həmin universitetin təsisçisidir. Amma bu halda da təsisçi kimi təyin etməli idi”, - deyə hüquqşünas vurğulayıb.

Qeyd edək ki, bəzi məlumatsız şəxslər Universitetin V. Talıbova məxsus olduğunu düşünür və hesab edirlər ki, o bu təyinatı təsisçi kimi verə bilər. Bildirək ki, həmin ali məktəbin təsisçisi başqa bir şəxs - İsmayıl İsrafil oğlu Əliyevdir. Talıbov isə bu sərəncəmı Ali Məclisin sədri kimi imzalayıb. Həmin sərəncamın fotosunu da təqdim edirik:(Yenisabah.az)

Vasif Talıbovun sərəncamı

Paylaş »
››› Ədalət Rüstəm: Məktəblər yenidən bağlanacaq
››› Azərbaycanın cənub rayonlarını İrana "verən" xəritə ilə bağlı Seyid Talehdən açıqlama
››› Azərbaycanda son sutkada koronavirusa yoluxanların sayı açıqlandı
››› “Şərurlu İsfəndiyar Ramiz Mehdiyevin adamı olduğuna görə məhkəmələr onun xeyrinə qərar verir”
››› Azərbaycanda ayı parçaladığı deyilən uşağın atası: “Şübhələrimiz var” - Foto
Son xəbərlər
Bütün xəbərlər »