Məşhur kolumbiyalı narkobaron Pablo Eskobarın qardaşı Roberto qatlanan ağıllı telefon istehsalına başlayıb.

“Pablo Escobar Fold 1” adlanan telefon 349 dollara satılır.

Bizimyol.info xəbər verir ki, məşhur narkobaron Eskobarın adını qardaşı özünəməxsus şəkildə əbədiləşdirmək qərarına gəlib. İndi bu adda telefon var.

Roberto Eskobar yeni markanın “Apple” və “Samsung”dan geri qalmadığını bildirib. Onun fikrincə, ABŞ-da istehlakçıları aldadırlar. Roberto gələn il “Apple” şirkətinə qarşı 30 milyard dollarlıq məhkəmə iddiası qaldıracağını bildirib. “Android” sistemli, ikikameralı telefon Honkonqda istehsal olunub. Satışa 100 min ədəd buraxılacaq.