Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Səfir keçmiş nazirə “oğru” dedi

Azərbaycanın Macarıstandakı səfiri Vilayət Quliyev 1997-2004-cü illərdə Azərbaycanın Rabitə naziri olmuş Nadir Əhmədovu oğurluqda günahlandırıb.

Səfir bu barədə “Facebook” hesabında yazıb.

Bizimyol.info-nun xəbərinə görə, V.Quliyev bildirib ki, müəllifi olduğu məqalə internetdə Nadir Əhmədovun yazısı kimi təqdim olunur:

“Deyəsən, son illərdə əli maddi çax-çuxdan çıxan keçmiş həmkarım, əski ulaşdırma bakanımız Nadir müəllim Əhmədov ixtiyar yaşında intellektual çapovulçuluğa girişib.

Nadir Əhmədov Nadir Əhmədov

Mənim 2008-ci ildə “525-ci qəzetdə” çap olunan “Türk ordusunun azərbaycanlı generalları” adlı məqaləmi sərlövhəsini və bir sözünü də dəyişmədən əvvəlcə 2009-cu ildə “Elm və Təhsil” nəşriyyatında çıxan “İblis xislətli erməni” kitabına, sonra da özünün www.nadir-ahmedov.com saytına yerləşdirib. İndi “Google”da axtarış verəndə bir sətrini də yazmadığı uzun zəhmət və axtarışların bəhrəsi olan bu araşdırma-yazı Nadir müəllimin “əsəri” kimi təqdim olunur.

Məqalədə haqqında danışılan general-polkovnik Mehmet Nuri və ordu generalı Mahmud Berköz (Sarıkərimli) qardaşları əslən şəkili olduqları üçün, yəqin, Nadir müəllim elə hesab edir ki, bu mövzudan yazmaq başqa bölgədən olan bir kimsənin işi deyil, yalnız onun şəninə şayandır.

Amma yeni peyda olmuş “qocaman ədib” heç olmazsa köhnə şəkili kimi vətəninin övladlarından söz açan yazıya bir-iki məhəlli ştrix əlavə eləsəydi, yenə də dərd yarı idi... Görünür, “Oğrudan oğruya halaldır” prinsipi ilə hərəkət edən Ülviyyə Tahirqızı adlı bir xanım da eyni yazını başlığını da dəyişmədən “Xalq cəbhəsi qəzeti”ndə öz araşdırması kimi çap etdirib (bax. “Türk ordusunun azərbaycanlı generalları”, “Xalq cəbhəsi qəzeti”, 25 aprel 2014-cü il, www.xalqcebhesi.az.news.accident)

Əcəb işdir! Adam bilmir qocasından rəncidə olsun, yoxsa cavanından incisin! Yəqin ki, ən salamat yolu oxucu sayını artırdıqlarına görə bu “müəlliflərə” təşəkkür etməkdir”.

İlhamə Rəsulova

Bizimyol.info

Son xəbərlər
Bütün xəbərlər »