Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Şenol Günəş: "Bakıda Azərbaycanı və özümüzü təmsil edəcəyik"

“Bakıda Azərbaycanı və özümüzü təmsil edəcəyik. Onlar ev sahibidirlər”.

Bunu Türkiyə millisinin baş məşqçisi Şenol Günəş AVRO 2020 ilə bağlı təşkil edilən mətbuat konfransında deyib.

"Ay ulduzlular" Avropa çempionatında İtaliya, İsveçrə və Uelslə birgə A qrupunda yer alacaqlar. 67 yaşlı mütəxəssisin sözlərinə görə, turnirin açılış matçının İtaliya və Türkiyə arasında olması onlar üçün böyük şansdır: “Ölkəmizin tanıtımı üçün çox önəmlidir. Bakıya, sonra Romaya gedib təlim-məşq toplanışı üçün yerlər seçəcəyik. İki həlledici oyunumuz var. İtaliya ayrı bir matçdır – udarıq, ya uduzarıq. 2002-ci ildə ilk matçımızı Braziliyaya qarşı keçirmişdik. Hər halda bunu düzüb-qoşurlar. Digər iki matçda hər şey dəyişə bilər. Onsuz da 6 xal qazanan qrupdan çıxır. Hədəfimiz final oynamaqdır. Üzərimizə böyük iş düşür”.

Qeyd edək ki, iyunun 13-də Bakı Olimpiya Stadionunda Uels və İsveçrə yığmaları üz-üzə gələcək. İyunun 17-də Türkiyə - Uels, iyunun 21-də isə İsveçrə - Türkiyə matçları Azərbaycan paytaxtında təşkil olunacaq. Bundan başqa 1/4 final mərhələsinin bir oyunu Bakıda keçiriləcək.

AVRO-2020-nin açılış matçında İtaliya və Türkiyə milliləri Romadakı "Olimpiko" stadionunda qarşılaşacaqlar.(Report)

Son xəbərlər
Bütün xəbərlər »