Xeyirxah Platforması “Azərbaycan Əlil Velosipedçilərə Dəstək” İctimai Birliyinin təsisçisi və sədri, Azərbaycan teleməkanında ilk əlil arabasında aparıcı və jurnalist Amid Həsənquliyevin təqdimatında “Əlilliyi olan şəxslərlə davranış qaydaları”ndan bəhs edən video çarxı təqdim edib.

Xeyirxahın verdiyi məlumata görə Beynəlxalq Əlillər Günü ərəfəsində təqdim olunan video çarx əlilliyi olan şəxslərlə davranış qaydaları və onlara müraciət formalarını təbliğ etmək, eləcə də bu qaydaların internet üzərindən əlçatanlılığını təmin etmək məqsədilə ərsəyə gətirilib.