Türkiyə iqtisadiyyatı təkcə turizmin ümidinə qalmayıb. Fındıq qardaş, qonşu ölkəyə milyonlar gətirir.
Bizimyol.info xəbər verir ki, Türkiyə son 3 ayda fındıq satışından 906 milyon 182 min 267 dollar qazanıb. Keçən ilin sentyabrın 1-dən noyabrın 30-na qədər 490 milyon gəlir əldə edilmişdi. Deməli, qazanc təxminən iki dəfə artıb.
Türkiyə fındığın 1 kiloqramını 6,57 dollara ixrac edir. Son 3 ayda 140 min 640 ton fındıq satılıb.
Qaradəniz fındıq məmulatları ixracatı birliyinin başqanı İlyas Edip Sevinç göstəricilərin yüksələcəyini bildirib. O, mövsümün sonuna qədər gəlirin 2,5 milyard dollara çatacağını söyləyib.