Xəbər verildiyi kimi bu gün Konqres Mərkəzində Bakı Dövlət Universitetinin (BDU) 100 illik yubileyi münasibətilə tədbir keçirilib.
Bizimyol.info xəbər verir ki, bu tədbirə görə bu gün aid bütün dərslər ləğv olunub və bu gün keçirilməyəcək dərslər şənbə gününə salınıb və həmin gün iştirak məcburidir, gəlməyənlərə qaib yazılacaq.
Məlum olub ki, BDU-nun 100 illik yubileyinə ali məktəbin bəzi müəllimləri dəvət olunmayıb. Həmin müəllimlər universitetin Televiziya və radio jurnalistikası kafedrasının baş müəllim Əli Hacıyev və Jurnalistikanın nəzəriyyəsi və təcrübəsi kafedrasının müəllimi Ənzulə Əmirovadır.
Xatırladaq ki, Bakı Dövlət Universiteti 1919-cu il sentyabr ayının 1-də Azərbaycan Xalq Cümhuriyyətinin parlamenti tərəfindən təsis edilib. 1919-cu il noyabrın 15-i - universitetdə birinci dərs günü olub. Ali məktəb 1922-ci ildə Azərbaycan Dövlət Universiteti adlandırılıb və 1991-ci ildə 4-cü dəfə adı dəyişdirələrək M.Ə.Rəsulzadə adına Bakı Dövlət Universiteti olub.
