Türkiyənin Suriyadakı hərbi əməliyyatlarının əsas məqsədinin terrora son qoymaq, ölkə üçün təhlükəsiz zona yaratmaq olduğu bildirilirdi.

Amma qardaş ölkə rəhbərliyi ikinci məqsəd kimi suriyalıların vətəninə qaytarılmasını da zamanla qeyd edir.

Bizimyol.info xəbər verir ki, Türkiyənin daxili işlər naziri Süleyman Soylu terrorizmə qarşı sülh hərəkatından sonra 368 min 217 suriyalının geri göndərildiyini açıqlayıb. Nazirin dediyinə görə, təkcə Kıran əməliyyatında 121 terrorçu öldürülüb. Ümumilikdə 1144 terrorçu sıradan çıxarılıb.

Soylunun dediyinə görə, FETÖ işiylə bağlı 94 bələdiyyə başqanından 42-si cəza alıb. Uyğun ittihamla il ərzində ölkədə 91 min 287 nəfər həbs olunub.