Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Əfqanıstanda “Taliban”ın üç rəhbəri azadlığa buraxıldı
2018-11-05_230033

Əfqanıstan Prezidenti Əşrəf Qani hakimiyyətin 2016-cı ildə silahlılar tərəfindən qaçırılan iki xarici ölkə vətəndaşı, Kabildəki Amerika universitetinin amerikalı və avstraliyalı professorlarının azad olunması müqabilində “Taliban” hərəkatının üç rəhbərinin azadlığa buraxılması faktını təsdiqləyib.

Əşrəf Qəninin sözlərinə görə, bu qərar çox çətin, lakin vacib humanitar jestdir. Prezident, həmçinin hakimiyyətin bu addımı Əfqanıstanın beynəlxalq müttəfiqləri, əsasən də ABŞ-la məsləhətləşmələrdən sonra atdığını deyib.

Əldə olan məlumata görə, həbsxanadan “Hakkani şəbəkəsi” təşkilatının rəhbərləri Hacı Mali Xan, Hafiz Raşid və “Taliban” hərəkatının rəhbərlərindən biri Siracuddin Hakkaninin doğma qardaşı Ənəs Hakkani azad edilib.

Əfqanıstan hakimiyyəti bu qərarın taliblərlə sülh danışıqlarının başlamasına müsbət təsir edəcəyini düşünür.

AzərTAc xatırladır ki, Əfqanıstanda hökumət qüvvələri və kənd rayonlarında xeyli üstünlüyə yiyələnərək böyük şəhərlər istiqamətində hücumları genişləndirən “Taliban” hərəkatının silahlıları arasında qarşıdurmalar uzun müddətdir davam edir. Həmçinin ölkə ərazisində İŞİD qruplaşmasının da fəallığı artır. Milli müdafiə və təhlükəsizlik qüvvələri beynəlxalq koalisiyanın hərbi dəstəyi ilə silahlı qruplaşmalara qarşı bütün ölkə boyu birgə əməliyyatlar keçirirlər.

Paylaş »
››› Toyda uşağı içki şüşəsi ilə vuran azərbaycanlı dünya mediasında - Video
››› “Tarqovı”da vətəndaşlara bıçaqla hücum edən şəxslərin adları açıqlandı - Video
››› Yanvarın 1-dən 50 manat ödəməyən mənzil sahibləri əlavə 30 manat cərimələnəcək
››› Vilayət Eyvazov Novruz Məmmədovun oğluna yeni vəzifə verdi
››› Polis Bakıda böyük faciənin qarşısını aldı - Video
Son xəbərlər
Bütün xəbərlər »