Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
“Hökumət ölkəni çuxura doğru aparır - vətəndaşın borc yükü artır” - Açıqlama
kredit bank

“Əhalinin kredit təşkilatlarına borcu bu ilin 9 ayında 1 milyard manata yaxın, 20 ayda isə 1,8 milyard manata yaxın artaraq 6 milyard 292 milyon manata çatıb.

Sentyabrın sonunda 14 milyard 243 milyon manatlıq kredit qoyuluşlarının 6 milyard 292 milyon manatını və ya 44,2%-ni ev təsərrüfatlarına verilən kreditlər (istehlak kreditləri) təşkil edib.

2019-cu ilin yanvar-sentyabr ayları ərzində kredit təşkilatlarının cəmi kredit qoyuluşları 1 milyard 223 milyon manat olub və təsəvvür edin ki, istehlak kreditləri 972 milyon manat, real sektora verilən kreditlər isə cəmi 251 milyon manat artıb”.

Natiq Cəfərli Natiq Cəfərli

Bizimyol.info xəbər verir ki, bu fikirləri iqtisadçı Natiq Cəfərli səsləndirib.

Natiq Cəfərlinin sözlərinə görə, yaranmış vəziyyət o deməkdir ki, ölkə xəstə iqtisadi modeldən əl çəkə bilmir, kiçik həcmli iqtisadi böyümə ya büdcə xərcləri, ya da istehkak kreditləri hesabına baş verir. Bu model 2015-də ölkəni çökdürdü, devalvasiyaya və iqtisadiyyatın daralmasına, yoxsulluğun artmasına səbəb oldu, problemli kreditlər artdı, inflyasiya yüksəkdi.

“İndi də hökumət ölkəni eyni çuxura doğru aparır - vətəndaşın kredit yükü artır, borcu çoxalır, iqtisadiyyat büdcə xərclərinə və kreditlə artan ticarət dövriyyəsinə söykənir - amma söykəndiyi bu iki "divar" da çürükdü, kövrəkdi, hər an uçma təhkükəsi var.

Bu vəziyyət bir daha sübut edir ki, iqtisadiyyatda illərdir yaranan problemləri tək iqtisadi addımlarla düzəltmək mümkün deyil - idarəetmənin fəlsəfəsi, baxışı, yanaşması dəyişməsə, sistem islahatları olmasa, qanunun aliliyi təmin edilməsə lap 5 suppernazirlik yaradılsa da heç nə dəyişməyəcək”,- deyə o qeyd edib.

Paylaş »
››› "İdarə olunan terror” və ya ən gec yoluxan ən şanslı olacaq - Video
››› Koronavirusla mübarizə aparan həkimlər “Yanıq kərəmi”nə rəqs etdilər – Video
››› Operativ Qərargah: “Bütün qaydalara riayət olunsa, 2 həftədən sonra müsbətə dönüş başlaya bilər”
››› Rusiyadan neft açıqlaması
››› Azərbaycanda son sutkada koronavirusa yoluxanların sayı açıqlandı
Son xəbərlər
Bütün xəbərlər »