Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
“Tikinti şirkətləri heç biri sağlam rəqabət şəraitində, halal kapitalla ərsəyə gəlməyiblər”
ev-bina-tikinti-menzil

“Vergi Məcəlləsini təklif olunan dəyişikliklərdə maraqlı bir müddəa var.

13.2.12-ci maddəyə belə bir əlavə edilir ki, bina tikintisi fəaliyyəti ilə məşğul olan şəxslər tərəfindən dövlətə ayrılan hissə təqdim edildikdə, əmlaka görə əldə edilən gəlirlər vergiyə cəlb olunan gəlir hesab edilmir”.

Bizimyol.info xəbər verir ki, bu fikirləri iqtisadçı ekspert Rövşən Ağayev səsləndirib.

“Bu nə deməkdir? Deməli, indiyədək Bakı şəhəri ərazisində tikinti şirkətləri tikdikləri çoxmərtəbəli binalardan 10%-ni dövlətə təqdim edib. Məsələn, 500-in mənzilin varsa, Bakı Şəhər İcra hakimiyyətinin timsalında hökumətə çatır.

Rövşən Ağayev

Hökumət isə həmin mənzilləri sonradan müxtəlif imtiyazlı şəxslərə əvəzsiz qaydada verilir.

Problem ondadır ki, biznesin üzərinə bu cür öhdəlik qoymaqla bağlı qanunvericilikdə hər hansı müddəa tapa bilmədim. Tikinti şirkətlərindən birindən öyrəndim ki, bunula bağl yalnız BŞİH-nin məktubu var və onlar həmin məktuba istinad edərək mənzilləri təqdim edirlər.

Burda 2-ci problem odur ki, şəffaflıq olmalıdır, il ərzində nə qədər sərbəst mənzil fondu yarandığı ictimaiyyət üçün açıq olmalıdır.

Ən nəhayət, hökumət Mənzil Məcəlləsinin tələbinə uyğun olaraq həmin mənzillər sosial məsuliyyət müqaviləsi əsasında sosial kirayə fondunun yaradılmasına istifadə edilsə, cəmiyyət daha çox fayda götürərdi.

İndi isə belə görünür ki, Vergi Məcəlləsinə təklif olunan dəyişikliklərlə tikinti şirkətlərinin dövlətə verdiyi pay-hissə öhdəliyi leqallaşır, hüquqi əsas yaranır. Və həmin pay üzrə dövriyyə vergidən azad edilir. Faktiki bu addımla hökumət biznesin mənfəətinin əhəmiyyətli bir hissəsinə şərik çıxır.

Sabah hökumət eyni mətinqlə istənilən biznesə deyə bilər ki, məhsulunuzun hansısa bir hissəsini bizə əvəzsiz ödəməlisiniz.

Amma belə görünür bütün tikinti şirkətləri hallarından məmnundurlar, çünki heç biri sağlam rəqabət şəraitində, halal kapitalla ərsəyə gəlməyiblər”.

Bizimyol.info

Paylaş »
››› "İdarə olunan terror” və ya ən gec yoluxan ən şanslı olacaq - Video
››› Koronavirusla mübarizə aparan həkimlər “Yanıq kərəmi”nə rəqs etdilər – Video
››› Operativ Qərargah: “Bütün qaydalara riayət olunsa, 2 həftədən sonra müsbətə dönüş başlaya bilər”
››› Rusiyadan neft açıqlaması
››› Azərbaycanda son sutkada koronavirusa yoluxanların sayı açıqlandı
Son xəbərlər
Bütün xəbərlər »