Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Azərbaycanda 179 gündə 234 tenderin qalibi olan “hərşeyşünas” şirkət kimindir?

“Dövlət satınalmalarının vahid elektron portalı”-nın məlumatına görə, "İnpeks.N" şirkəti 28.03.2019 - 24.10.2019 dövründə (179 gündə) malların (işlərin və xidmətlərin) satınalınması üzrə 234 müsabiqənin qalibi olub. Şirkət bağladığı müqavilələr üzrə 73 milyon 320 min manat gəlir əldə edib. Bu “hər-şey-bacaran” şirkət dövlət təşkilatlarının tikinti, təmir, abadlıq işlərinin; ehtiyat hissələrinin, avadanlıqların, mebellərin, geyimlərin, dəftərxana ləvazimatlarının, təsərrüfat mallarının, hətta, kondisionerlərin təmir edilməsinin satın alınması üzrə elan edilən tenderlərin qalibi olub - "İnpeks.N" şirkəti hər gün bir tender, elə gün olub ki, 2 tender udub”.

Bizimyol.info xəbər verir ki, bu fikirləri iqtisaqdçı ekspert Natiq Cəfərli səsləndirib.

Natiq Cəfərli Natiq Cəfərli

"İnpeks.N" şirkəti 2019-cu ildə ən böyük müqaviləni Bakı Şəhər İcra Hakimiyyəti başçısının tabeliyindəki “Bakı Şəhər Əsaslı Tikinti və Təmir” MMC ilə bağlayıb. Bakı şəhər ərzazisində səkilərdə, həyətlərdə, park və bağlarda təmir, yenidənqurma və abadlıq işlərinin satınalıınmasını nəzərdə tutan həmin müqavilənin məbləği 16 milyon 19 min manatdır. Həmçinin, MMC "İnpeks.N" ilə Bakı Şəhər ərazisində tikinti və təmir işlərinin aparılmasının satınalınması üzrə 2 milyon 575 min manatlıq müqavilə imzalayıb.

Bu ilin oktyabr ayının ötən dövründə Bakı Şəhər İcra Hakimiyətinin tabeliyində olan Bakı Şəhər Məktəbəqədər Təhsil Müəssisələri və Uşaq evləri İdarəsi "İnpeks.N" şirkətilə 15 milyon 713 milyon manat məbləğində 10 müqavilə bağlayıb. Müqavilələrə əsasən, İdarənin tabeliyində olan körpələr evi-uşaq bağçaları, uşaq bağçaları və uşaq evlərində cari təmir işləri görüləcək, avadanlıq və yumşaq inventarları alınacaq. "İnpeks.N" şirkəti Bakı Şəhər Mənzil Kommunal Təsərrüfat Departamentinin (Rayon Mənzil-Kommunal Təsərrüfatı Birlikləri üçün) çoxsaylı tenderlərinin qalibidir.

"İnpeks.N" şirkəti Mədəniyyət Nazirliyinin elan tenderlərin də qalibi olub. Azərbaycan Respublikası Mədəniyyət nazirliyinin əsaslı təmir işlərini 3 milyon 907 min manata "İnpeks.N" şirkəti həyata keçirib”,- deyə ekspert bildirib.

Natiq Cəfərli heç də adil görünməyən bu kimi “qələbələrin” qarşısının alınması üçün təklifini də bildirib.

“Ölkədə Bələdiyyə seçkilərinə start verilib, bu haqda müzakirə belə getmir. Bu seçkilərin əsas müzakirə məsələsi Böyük Şəhər Bələdiyyələrinin yaranması, Mer institutlarının formalşdırılması olmalıdır. Əgər Bakının seçkili Meri olsa belə biabrçılıqlar azalar, ya da heç olmaz, bu institut istər-istəməz yeni situasiya, yeni oyun qaydaları da yaradacaq. Bakıya və digər böyük şəhərlərə seçkili Mer – bu bələdiyyə seçkiləri sürəcinin əsas şüarı bu olmalıdır!”

Bizimyol.info

Paylaş »
››› “Ölmək ölməkdir, normal üsulla ölün” - Ekspertdən qadınlara məsləhət
››› Tanınmış telejurnalist həkimi məhkəməyə verdi
››› İsrail alimləri koronavirusin qarşısını alan dərman tapıblar
››› Hökumət 7 aydır tibbi sığorta adı ilə pul yığır, əvəzində heç nə vermir
››› Yeni qapanmaya doğru qulaqçəkmə əməliyyatı
››› Prezidentdən Nəcməddin Sadıxovun yerinə yeni təyinat: "Orduda islahatlar olacaq"
››› Yollardan istifadə qaydaları əleyhinə inzibati xətalara görə cərimə ödəniləcək
Son xəbərlər
Bütün xəbərlər »