Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Əri tərəfindən öldürülən qadın millimizin sabiq futbolçusunun anası imiş

İyunun 1-də Suraxanı rayonunun Hövsan qəsəbəsi, İlqar Əhliman küçəsi, 10 ünvanında Təranə Novruzova əri Zahid Novruzov tərəfindən ov tüfəngi ilə qətlə yetirilib.

Həmin şəxslər Azərbaycan Premyer Liqasının 2014/15 mövsümündə ən çox qol vurmuş futbolçu Nurlan Novruzovun valideynləri imiş.

Nurlan Novruzov bu gün keçirilmiş məhkəmə prosesində anasının atası tərəfindən ehtiyatsızlıqdan öldürülmədiyini, qəsdən bu addımı atdığını, əvvəllər də anasını döydüyünü bildirib.

Əvvəllər məhkumluq həyatı yaşamış Laçından olan məcburi köçkün, 61 yaşlı Zahid Novruzov iki güllə ilə öldürdüyü həyat yoldaşını qısqanclığa görə öldürmədiyini bildirib, bunu silahı təmizləyərkən ehtiyatsızlıq etdiyini vurğulayıb.

Daha sonra özünü öldürmək istəsə də, silah əlindən sürüşüb və güllə boğaz nahiyəsinə dəyib. Lakin 1 saylı Şəhər Kliniki Xəstəxanasında onun həyatını xilas etmək mümkün olub.

Qeyd edək ki, 26 yaşlı Nurlan Novruzov Azərbaycanda “Bakı”, “Sumqayıt”, “Zirə”, “Səbail”, Türkiyədə “Dərsim 62 Spor” və “Şanlıurfa Bələdiyəspor” klublarında oynayıb. O, iyulun 25-də Moldovanın “Dinamo-Avto” klubu ilə müqavilə imzalayıb.

2012-ci ildə Hafiz Məmmədova məxsus “Bakı” klubu ilə ölkə kubokunu qazanmış Nurlan Novruzov 2014/15 mövsümündə bu klubun heyətində çıxış edərkən Premyer Liqanın bombardiri olub. Əvvəllər 19 və 21 yaşadək millimizin üzvü olmuş hücumçu 2015-ci ilin avqustunda Robert Prosineçki tərəfindən milliyə çağırılsa da, sonra heyətdən uzaqlaşdırılıb.

Paylaş »
››› Bozdağın qoynunda gizlənmiş inci: Yeni turizm cənnəti - Fotolar
››› Leyla Şıxlinskaya külli miqdarda borca görə məhkəmə qarşısında
››› “Altı aydan sonra Qarabağda Ermənistan əsgəri qalmayacaq”
››› 15 yaşlı qız atasını ürəyindən bıçaqladı
››› Türkiyədə yanğınlar, Yunanıstanda 46 dərəcə isti: Kəndlər evakuasiya olunur
››› Rusiya ilə Baltikyanı ölkə arasında böhran dərinləşir
››› Azərbaycanda son sutkada koronavirusa yoluxanların sayı açıqlandı
Son xəbərlər
Bütün xəbərlər »