Türkiyə ordusunun Suriyada keçirdiyi sülh hərəkatı Avropada da çox səs salıb.

Buna görə qitənin ayrı-ayrı yerlərində kürdlərlə türklər arasında kütləvi dava düşüb. Qarşıdurmalarda indiyə qədər onlarla adam xəsarət alıb.

Bizimyol.info xəbər verir ki, Almaniyada kürdlərlə türklər arasında növbəti dəfə kütləvi dava yaşanıb. Şimali Reyn-Vestfalliya torpaqlarına aid olan Xerne şəhərində hər iki tərəfdən üst-üstə 60 adam üz-üzə gəlib. Dava iştirakçıları dubinka və taxta parçalarından istifadə edib. Polisin məlumatına görə, bir nəfərdə bıçaq olub. Onu spreyin köməyi ilə zərərsizləşdiriblər.

Polis iştirakçılardan bir neçəsini həbs edib. Araşdırma aparılır.