Böyük Britaniyanın Xarici İşlər Naziri Dominic Raab ölkəsinin Türkiyəyə müdafiə sahəsində ixracatını gözdən keçirəcəyini deyib.

D. Raab Türkiyənin Suriyanın şimalında keçirdiyi hərbi əməliyyatları ilə əlaqədar parlamentdə çıxış edib: "Britaniya hökuməti silah ixracına nəzarətlə bağlı öz öhdəliklərinə çox ciddi yanaşır və biz Türkiyəyə müdafiə sahəsindəki bütün ixrac icazələrini gözdən keçiririk. Bu zaman ərzində Türkiyənin hərbi əməliyyatlarda istifadə etdiyi silahlara, müdafiə sənayesi mallarına ixrac lisenziyası verilməyəcək".

D. Raab NATO-nun indi həmişəkindən daha böyük əhəmiyyət kəsb etdiyini bildirib. (Apa.az)