Futbol üzrə İran milli komandası dünya çempionatının seçmə mərhələsi çərçivəsində keçirilən oyunda Kambocanı darmadağın edib (14:0).
Qarşılaşma həm də qonşu ölkədə qadınların 38 ildən sonra ilk dəfə stadiona buraxılmasıyla yadda qalıb.
Bizimyol.info xəbər verir ki, İran – Kamboca oyunu başqa bir məqamla da tarixə düşüb. Qonaq komandanı cəmi bir azarkeş dəstəkləyib.
İranlı jurnalistlərin adını dəqiqləşdirə bilmədiyi futbol fanatı milli komandanın oyunu üçün 6 min kilometr qət edib. O, buraxılan ardıcıl qollara baxmayaraq ruhdan düşməyib. Bütün oyun boyu fəal olub. Mahnı oxuyub, baraban çalıb, Kamboca bayrağını dalğalandırıb.