Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Trampın təhdidinə Ankaradan tarixi cavab
trumpp

Türkiyənin Xarici işlər naziri Mövlud Çavuşoğlu ABŞ Prezidenti Donald Trampın “Türkiyə və kürdlər arasında vasitəçilik edə bilərik” sözlərinə cavab verib.

Mövlud Çavuşoğlu Mövlud Çavuşoğlu

“Deutsche Welle” nəşrinə müsahibə verən Çavuşoğlu Ankaranın terrorçularla danışıqlar aparmayacağını bildirib.

“Biz terrorçularla vasitəçilik etmərik, müzakirələr aparmarıq. Ediləcək tək şey var: terrorçuların silahı buraxması. Biz keçmişdə Türkiyədə siyasi həlli sınadıq və nəyin baş verdiyini gördük. Onlar silahı buraxmadılar və yumşaqlığımızdan çox ciddi şəkildə sui-istifadə edərək şəhərlərdə nələr etdiklərini gördük”, - o deyib.

ABŞ-ın sanksiya təhdidindən danışan Çavuşoğlu vurğulayıb ki, bununla heç bir yerə çatmaq mümkün deyil.

“Sanksiyalardan qorxsaydıq, bu hərəkatı başlatmazdık. Milli təhlükəsizlik məsələsi bizim üçün həyati dərəcədə əhəmiyyətlidir”, - türkiyəli nazir qeyd edib.

Xatırladaq ki, ABŞ prezidenti Türkiyənin Suriyanın şimalında keçirdiyi “Sülh çeşməsi” əməliyyati ilə əlaqədar təhdid xarakterli açıqlama vermiş, ABŞ qarşısında üç variantın olduğunu bildirmişdi.

“İndi Türkiyə kürdlərə hücum edir, bu ikili 200 ildir bir-biri ilə döyüşür. İndi bizim üç variantımız var: Ya ora əsgər göndərəcəyik və hərbi olaraq qazanacağıq, ya Türkiyəni maliyyə olaraq və sanksiyalarla sərt bir şəkildə vuracağıq, ya da Türkiyə və kürdlər arasında bir razılaşma üçün vasitəçilik edəcəyik!”, - Tramp tvitterdə yazmışdı. (Publika.az)

Paylaş »
››› Xose Bernardo onu və qardaşını bıçaqlayanın kim olduğunu açıqladı - Video
››› Evini satmaq istəyənlərə şad xəbər
››› Bakı metrosunda iki stansiyanın adı dəyişdiriləcək
››› "Lavrovun bəyanatı Rusiyameyilli kadrların işdən kənarlaşdırılmasına cavabdır"
››› Stalin nə qədər pul qazanmışdı?
Son xəbərlər
Bütün xəbərlər »