Xəbər verdiyimiz kimi türk qoşunlarının “Barış pınarı” antiterror əməliyyatı planlaşdırıldığı kimi, uğurla davam edir.
Bizimyol.info Türkiyə mediasına istinadən xəbər verir ki, Şanlıurfanın Ceylanpınar qəsəbəsi ilə üz- üzə yerləşən və Suriyaya məxsus Rasulayn qəsəbəsinin əşirətləri də terror təşkilatlarına qarşı silahlanıblar. Ummul Hayr kəndində Baggara əşirəti və onlara həmrəylik göstərən digər tayfalar PKK/YPG-PYD-yə qarşı türk ordusu ilə çiyin- çiyinə olduqlarını bəyan ediblər.
Xatırladaq ki, oktyabrın 9-da Türkiyə Silahlı Qüvvələri Suriya Milli Ordusu ilə birlikdə “Barış pınarı” adlı antiterror əməliyyatına başlayıb. Türkiyənin Mardin bölgəsi ilə sərhəddə yerləşən Suriyanın Kamışlı ərazisində PKK/YPG-PYD-nin 5 silahlısı zərərsizləşdirilib.
İlhamə Rəsulova
Bizimyol.info