Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Özbəkistanda dəbdəbəli toylara qadağa: Müğənnilər "nalə çəkir"

Özbəkistanda müğənnilər ölkə rəhbərliyi tərəfindən dəbdəbəli toylara qoyulan qadağalardan narazıdırlar. Artıq bir neçə tanınmış müğənni bununla bağlı etirazını sosial şəbəkələrdə bildirib.

Bu barədə “Sputnik”in Özbəkistan xidməti məlumat yayıb.

Sentyabr ayında ölkə parlamentinin qəbul etdiyi qaydalara görə, toy məclisində iştirak edən qonaqların, çıxış edəcək musiqiçilərin, o cümlədən, toy kortejinə daxil olan nəqliyyat vasitələrinin sayına məhdudiyyətlər qoyulub. Adətən, digər Orta Asiya ölkələrində olduğu kimi, Özbəkistanda da toylar bir neçə yüz qonağın dəvəti ilə keçirilir və bir neçə musiqi qrupu toy şənliklərində çıxış edirdi. Bu isə toy sahibinin ailə büdcəsinə ciddi problem yaratmaqla yanaşı, ailənin borca düşməsinə səbəb olurdu. Yeni qadağa isə kasıb özbək ailələrinin çiyninə ağır yük kimi düşən bayram və toy mərasimlərindəki dəbdəbəni azaltmaq məqsədilə tətbiq edilir.

Yeni qaydalara etiraz edən müğənni Munisa Rizaeva “Instagram” səhifəsində paylaşdığı videoda toylarda qazancı sayəsində xeyli musiqiçi və digər işçilərin ailələrini necə təmin etdiyini izah edir. Dediyinə görə, toy məclisində dörd mahnı ifa etdiyi üçün 800 dollar qonorar alır. Bu məbləğdən o, komandasının üzvlərinə - altı musiqiçi, iki administrator, iki sürücü və iki cangüdənə 450 dollar ödəyir.

Müğənninin dediyinə görə, bu şəxslər həmin pulla ailələrini dolandırırlar və ümumilikdə 36 nəfər dolanır. Bundan əlavə, mahnı yazan, televiziya və radioda çıxışları təşkil edən və digər işlər görən şəxslərə - təxminən 41 nəfərə də müğənnin qazancından çatır.

"Qazancımdan hər ay təxminən 150 insan faydalanır", - M. Rizayeva 3 milyondan çox izləyicisi olan “Instagram” səhifəsində yazır.

“Instagam”da 1 milyondan çox izləyicisi olan müğənni Ozoda Nursaidova da məşhur müğənnilərin çıxışlarından onlarla insanın necə qazandığını ətraflı təsvir edir. Nursaidova deyir ki, bir toyda beş mahnının ifası üçün min dollar alır. Onun komandası ümumilikdə 30 ailə üzvü olan yeddi musiqiçidən, iki sürücüdən və bir administratordan ibarətdir.

Nursaidovanın sözlərinə görə, o, işçilərinə 400 dollar verir, qalan 600 dollar 18 nəfər – musiqi yazılması, klip çəkilməsində əməyi keçən şəxslərə ödənir.

Yeni qaydalara qarşı çıxış edən digər məşhur ifaçılar arasında Rayhon, Uluqbek Rəhmətullayev, Mavlyuda Asalxocayeva, Rəşid Xoliqov, Şahzoda, Cahongir Otajonov, Fərrux Zakirov və Yulduz Usmanova da var.

Qeyd edək ki, Özbəkistandan əvvəl qonşu Tacikistanda 2017-ci ildə möhtəşəm toylar və digər dəbdəbəli məclislər qadağan edilib və qaydaları pozanlara qarşı cərimələr tətbiq olunur. (Virtualaz.org)

Paylaş »
››› Türkiyəyə kimlər od vurdu: Hədəf Ərdoğandır, yoxsa dövlətin özü...
››› Türkiyədəki yanğınların təxribat olduğunu təsdiqləyən görüntülər - Video
››› “Patı” mafiyası, yoxsa, agentura: “Planlı işləyirlər”
››› 20 yaşlı gənc eyni toyda iki gəlinlə evlənib - Video
››› Alovun içində üzümüzü ağ edənlər: Azərbaycan qardaş ölkəyə necə dəstək verir...
››› PKK-ya bağlı olan terror təşkilatı: “Türkiyədə yanğınları biz törətmişik”
››› "Zaman dəyişsə də, Türk qadını dəyişmədi" - Foto
Son xəbərlər
Bütün xəbərlər »