Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Frankfurt avtomobil sərgisinin ən güclü beş modeli - Fotolar
2019-09-12_205855

Cenevrədəkindən fərqli olaraq Frankfurt avtomobil sərgisində 1000 at gücündən çox güc hasil edən aqreqatlı avtomobillər o qədər də olmadı.

Amma bununla yanaşı, bəzi güclü modellər avtomobil həvəskarlarına təqdim edildi. Sərgidə nümayiş etdirilən ən güclü 5 avtomobil modeli bunlar oldu:

Audi Rs 7 Sporback

“Audi” şirkətinin “RS 7 Sporback” modelininin debütü Frankfurt sərgisində baş tutdu. Kapotun altında 4 litr həcmli V8 modeli yerləşdirilib. Aqreqat 600 at gücü hasil edir. Mühərrik 8 pilləli sürətlər qutusu ilə çalışır. Yerindən 100 km/saat sürəti 3.6 saniyəyə əldə edir.

Porsche Taycan Turbo S

“Porsche” tarixində ilk ikimühərrikli elektromobildir. İki elektrik mühərriki 625 at gücü hasil edir. “Overboost” rejimində isə aqreqatların gücü 2.5 saniyəyə 761 at gücünə çatır. Yerindən 100 km/saat sürəti cəmi 2.8 saniyəyə əldə edir. Maksimal sürət isə 260 km/saatdır.

Lamborghini Sian FKP 37

“Lamborghini” tarixinin ilk hibrid modelidir. Eyni zamanda bu günə qədər istehsal edilən ən güclü “Lamborghini”dir. Kapotun altında 6.5 litr həcmli V12 mühərriki var. Aqreqat 785 at gücü hasil edir. Elektrik mühərriki hesabına isə güc 819 at gücünə qədər artır. Avtomobil yerindən 100 km/saat sürəti cəmi 2.8 saniyəyə yığır. Maksimal sürəti isə 350 km/saatdır.

Brabus G V12 900 “One of Ten”

“Brabus” tüninq-atelyesi “Mercedes-Benz-G-Class” yolsuzluq avtomobilinin yeni modelləri üzərində işləyir. Şirkət Frankfurt sərgisində “Brabus G V12 900 “One of Ten” modelini təqdim edib. V12 tipli biturbo mühərrik 6.3 litrlikdir. Aqreqat 900 at gücü hasil edir. Avtomobil yerindən 100 km/saat sürəti 3.8 saniyəyə əldə edir. Maksimal sürət isə 280 km/saatdır.

Hongqi S9

Frankfurt sərgisi üçün ən gözlənilməz yenilik Çinin “Hongqi” stendində idi. Şirkət “S9” hibrid hiperkarını təqdim etdi. V8 tipli, 4 litr həcmli aqreqat elektrik mühərrikləri ilə birlikdə 1400 at gücü hasil edir. Yerindən 100 km/saat sürəti isə 1.9 saniyəyə əldə edir. Maksimal sürət 400 km/saatdan çoxdur. (Oxu.az)

Paylaş »
››› Baş Nazir qərar verdi: Cümə günü saat 14:00-dan məhdudiyyət qüvvəyə minir
››› Ticarət mərkəzləri tam bağlanacaq
››› Azərbaycanda son sutkada koronavirusa yoluxanların sayı açıqlandı
››› "Bu gedişlə, yaxın günlərdə xəstələri qəbul etməyə yer olmayacaq" - Açıqlama
››› Azərbaycanda son sutkada koronavirusa yoluxanların sayı açıqlandı
Son xəbərlər
Bütün xəbərlər »