“Oksfam” qeyri-hökumət təşkilatı “İki qitənin hekayəsi” adlı hesabat hazırlayıb. Hesabatda afrikalı üç milyarderin qitə əhalisinin yarısından daha çox sərvəti olduğu yazılıb.
Bizimyol.info xəbər verir ki, Afrikadan olan 3 zəngin burada yaşayan 650 milyon insandan daha varlıdır. “Oksfam”ın hesabatında bu haqda bir az da geniş məlumat yazılıb. Həmin üç milyarder isə nigeriyalı Aliko Danqote, cənubiafrikalılar - Niki Oppenheymer və Yohan Rupertdir. Onların ümumi sərvəti 28,8 milyard dolları keçib.
Hesabatda yazılıb ki, Afrikada yaşayan 1,3 milyard insanın 22 milyonu acından ölmək həddindədir. 2030-cu ildə dünyadakı yoxsulların 87 faizi bu qitənin payına düşəcək.
Afrikaya zərbə vuran amillərdən biri də zəngin adamlarının pullarını ofşor zonalara daşımasıdır. Bu yolla hər il 14 milyard dollar vergidən yayınılır.
