Böyük Britaniya sakini atasını ev əşyası ilə qətlə yetirib. O, 78 yaşlı təqaüdçünü televizor pultu ilə öldürüb.

Bizimyol.info xəbər verir ki, Nikola Taunsend televizor pultunu atasının başına atıb və kişini ölümcül yaralayıb. Bundan sonra 50 yaşlı qadın qocanı divandan yerə itələyib. Kişi yıxılaraq bir neçə qabırğasını sındırıb. Təcili tibbi yardım gələndə Nikola evdən qaçıb. Onun atasını divanda otuzdura biliblər, sonra xəstəxanaya aparıblar. Xəstəxana heyətinin cəhdlərinə baxmayaraq, kişi 12 gün sonra həyatını itirib.

Taunsendə qəsdən adamöldürmə maddəsi ilə ittiham irəli sürülüb.