Bizimyol.info xəbər verir ki, bu barədə həmin kompleksdə yaşayan sakinlər məlumat verib. Onların sözlərinə görə, suyun çirkli gəlməsi ilə əlaqədar "Azərsu” ASC-yə müraciət ediblər.
“4 il əvvəl “Alians Development and Construction”ın layihəsi olan “Panorama Park” yaşayış kompleksindən mənzil almışıq. 2 il gecikmə ilə bu ilin aprel ayında sakinlərin etirazı nəticəsində kompleksə sakinlər köçüblər”,-deyə sakin bildirib.
Şikayətçi binalara verilən suyun fotolarını təqdim edərək, vəziyyətin çox acınacaqlı olduğunu bildiriblər: “Aylardı bu sudan istifadə etmək məcburiyyətindəyik”.
Bina sakinləri müvafiq qurumlara şikayət etdikləri bildiriblər.
Məsələ ilə bağlı “Azərsu” ASC-dən bizimyol.info-ya bildirilib ki, yeni tikililərin anbarlarına “Azərsu” xidmət etmir: “Vətəndaşlar Respublika Gigiyena və Epidemiologiya Mərkəzinə müraciət etməlidir”.
Məsələ ilə bağlı “Panorama Park” yaşayış kompleksinə ([email protected]) informasiya sorğusu göndərilib.
Ramid İbrahimov