Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Əliməmməd Nuriyev: “Ermənilərin avantürist təşəbbüsünün qarşısı alınmalıdır”
Əliməmməd Nuriyev

Ermənistan KİV-in məlumatına görə, Ermənistan hökuməti qondarma Dağlıq Qarabağ Respublikasında qondarma seçkilərin müşahidəsi üçün vətəndaş cəmiyyətinə təxminən 70 min dollar, 34 milyon dram vəsait ayırıb. Xəbərə görə, Beynəlxalq Şəffaflıq Təşkilatının Ermənistan Milli Bölməsi də bu vəsaiti alacaq və müşahidəni həyata keçirəcək təşkilatların sırasında yer alır.

Məsələ ilə bağlı APA-ya açıqlama verən Beynəlxalq Şəffaflıq Təşkilatının Azərbaycan Milli Bölməsi - “Şəffaflıq Azərbaycan” Korrupsiyaya Qarşı Mübarizə İctimai Birliyinin icraçı direktoru Əliməmməd Nuriyev bildirib ki, bu, qətiyyən yolverilməzdir və bu informasiyalar dorğudursa, Beynəlxalq Şəffaflıq Təşkilatı dərhal və qətiyyətli şəkildə bu avantürist təşəbbüsün qarşısını almalıdır: “Biz dərhal Beynəlxalq Şəffaflıq Təşkilatına müraciət edəcəyik, bu məsələnin dəqiqləşdirilməsinə çalışacağıq və Ermənistan Milli Bölməsinin bu addımının qarşısını alacağıq. Hesab edirik ki, Beynəlxalq Şəffaflıq Təşkilatı dərhal bu məsələ ilə bağı araşdırma aparmalıdır və əgər bu məlumatlar doğrudursa, Ermənistan Milli bölməsinə qarşı müvafiq tədbirlər görülməlidir”.

Ə.Nuriyev deyib ki, BMT, Avropa İttifaqı, Avropa Şurası, İslam Əməkdaşlıq Təşkilatı və digər nüfuzlu beynəlxalq təşkilatlar, dünya ölkələri birmənalı olaraq Azərbaycanın ərazi bütövlüyünü və suverenliyini tanıyıblar: “Dağlıq Qarabağ Azərbaycan ərazisidir və Ermənistan tərəfindən işğal olunub. Qondarma Dağlıq Qarabağ Respublikası dünyada heç bir ölkə tərəfindən tanınmayıb və Beynəlxalq Şəffaflıq Təşkilatının Ermənistan Milli Bölməsinin bu addımı separatizmə, terrorçuluğa dəstək kimi qiymətləndirilə bilər. Beynəlxalq Şəffaflıq Təşkilatı bu cür təşəbbüsə dəstək verə bilməz, dözümlü yanaşa bilməz və beynəlxalq hüquq prinsiplərinə hər zaman hörmətlə yanaşan bu təşkilat öz mövqeyini ortaya qoymalıdır. Beynəlxalq Şəffaflıq

Təşkilatı siyasi proseslərlə bağlı məsələlərdə iştirak etmir, seçki müşahidəçiliyi də bura daxildir. Beynəlxalq Şəffaflıq Təşkilatı seçki müşahidəçiliyini həyata keçirmir. Bunu nəzərə alaraq da Ermənistan Milli Bölməsinin bu addımı yolverilməzdir”.

Onun sözlərinə görə, əğər bu məlumatlar düzdürsə, Ermənistan Milli Bölməsinə qarşı elə tədbirlər görülməlidir ki, separatizmi, terrorçuluğu təşviq edən, işğal faktına haqq qazandıran bu addım presedent yaratmasın: “Söhbət Beynəlxalq Şəffaflıq Təşkilatının mövqeyindən, reputasiyası və obyektivliyindən gedir və əminik ki, təşkilat öz qəti mövqeyini açıqlayacaq. Azərbaycan Milli Bölməsi olaraq prinsipial mövqeyimiz bundan ibarətdir və Ermənistan Milli Bölməsinə qarşı müvafiq tədbirlər görülənə qədər bu istiqamətdə səylərmiz davam edəcək. İstisna etmirik ki, ermənilər yenə öz ənənəvi tərz və siyasətlərinə sadiq qalaraq Beynəlxalq Şəffaflıq Təşkilatını da fakt qarşısında qoymağa, təxribata çəkməyə çalışırlar. İstənilən halda bu cəhdlər heç bir nəticə verməyəcək”.

Paylaş »
››› Nazirlikdən Balakəndə yayılan naməlum xəstəliklə bağlı - Açıqlama
››› "Kamaz" yolun kənarında dayanmış "Mercedes"i əzib keçdi - Video
››› “Azərenerji” rəhbəri Baba Rzayevin kabinetinə cadu edildi - Video
››› Rus məmurun ölkəmizdə qəbul etdiyi "şokolad vannası"nın qiyməti açıqlandı
››› Övladını itirən əməkdar artist danışdı: "Onun da mənim kimi ruhu ağrısın" - Video
Son xəbərlər
Bütün xəbərlər »