Gürcüstanın Svaneti bölgəsində Belarus vətəndaşı olan üç turist itkin düşüb.
Gürcüstanın Svaneti bölgəsində Tetnuldi dağında dünən axşam saatlarında itkin düşən 3 qadın turistin axtarışları bu gün səhərdən bərpa olunub.
“Report” xəbər verir ki, axtarış-xilasetmə əməliyyatlarına Gürcüstan Daxili İşlər Nazirliyinin Sərhəd Polisinin helikopteri cəlb olunub.
Artıq itkin düşən 3 nəfər Belarus vətəndaşı tapılıb. Turistlərdən 2-si ölüb, digəri isə xəsarətlər alıb.
Yaralı turistin vəziyyətinin ağır olduğu bildirilir.