Perunun Kusko şəhərində gecə klubundan çıxan Meybet Espinosla sevgilisi Hektor Vidal faciəvi şəkildə dünyalarını dəyişib.

“Qafqazinfo” xəbər verir ki, bardan çıxdıqdan sonra gəzmək qərarına gələn sevgililər körpüdə öpüşməyə başlayıb. Ancaq Meybet müvazinətini itirərək körpüdən arxası üstə yıxılıb. Bu zaman o, Hektoru də özü ilə aşağı çəkib. 15 metr hündürlükdən düşən Meybet hadisə yerində ölüb. Hektor isə kəllə sümüyünün qırığı diaqnozu ilə xəstəxanaya çatdırılsa da, onun həyatını xilas etmək mümkün olmayıb.

Qeyd edək ki, sevgililər alpinist olublar.