2015-ci ildə Maliyyə Nazirliyi yanında Dövlət Maliyyə Nəzarəti Xidməti tərəfindən Təhsil Nazirliyinin 14, Səhiyyə Nazirliyinin 4, Gənclər və İdman Nazirliyinin 1, Ekologiya və Təbii Sərvətlər Nazirliyinin 1 müəssisəsinə, Dövlət Miqrasiya Xidmətinin və Vergilər Nazirliyi yanında 2 departamentin aparatlarının saxlanılmasına, ayırlan vəsaitlərin təyinatı üzrə xərclənmə yoxlanılıb.
Bu barədə nazirlikdən bildirilib.
Məlumata görə, aparılan yoxlamalarla dövlət büdcəsindən ayrılmış vəsaitlərin xərclənməsini tənzimləyən normativ hüquqi aktların tələblərinə əməl edilməməsi hesabına artıq ödənilməsi aşkar olunub. 7 mln. 949,47 min manat vəsaitin 7 mln. 165,14 min manatının təqsirkar şəxslər tərəfindən büdcəyə bərpası təmin edilib.