Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
"Toylarda verilən yeməklərin 70 faizi boyatdır"

Son vaxtlar restoranlarda və rayonlarda keçirilən toy mərasimlərində, banketlərdə, ad günü məclislərində kütləvi zəhərlənmələrin sayı çoxalıb. Son olaraq Qəbələdəki toy məclisində 89 nəfərin zəhərləndiyi hadisəni misal göstərmək olar. Lakin bu, ilk hadisə deyil. Bundan əvvəl də Şabran və Şirvanda kütləvi zəhərlənmələr qeydə alınıb.

Hətta Bakının məşhur restoranlarında da belə hallara rast gəlinir.

Kütləvi zəhərlənmələrin səbəblərini Oxu.Az-a şərh edən tibb elmləri doktoru, həkim Adil Qeybulla qida maddələrinin saxlanma qaydaları və hazırlanmasında xeyli problemlərin olduğunu bildirib:

Adil Qeybulla Adil Qeybulla

“Əslində, kütləvi zəhərlənmələrin əsasında dayanan faktor ilk növbədə qida maddələrinin dövriyyəsi ilə bağlıdır. Yəni bu, onların saxlanma qaydaları və hazırlanmasında baş verən pozuntularla əlaqəlidir.

Əfsuslar olsun ki, yoxlamalara, çoxsaylı müxtəlif nəzarətlərə rəğmən qida maddələrinin keyfiyyət parametrləri aşağı düşməkdə davam edir. Bu gün ölkəmizin daxili məhsul ehtiyatını nəzərə alsaq, Azərbaycanın qida bazarı bərbad vəziyyətdir. Ona görə də bu cür hallar baş verir.

Şadlıq evlərində, ictimai iaşə obyektlərində qidaların saxlanma qaydaları çox vaxt pozulur. Bayat qidalardan istifadə edirlər. Bəzən isə xarab olmuş qidalar hansısa formada emal edilib yenidən istifadə olunur. Bu haqda faktlar və məlumatlar da var. Bu zəhərlənmələrin hər biri fərdi olaraq araşdırılmalıdır. Zəhərlənmənin əsasında dayan fakt bilinməlidir. Məsələnin həlli hüquqi olmalıdır.

Xaricdə bu cür hallar az da olsa baş verir. Məsələn, meyvələrdə bağırsaq çöplərinin aşkar olunması bütün Avropanı çalxalamışdı. Hətta böyük skandal belə baş vermişdi. Bu məsələlər bizdə ictimailəşsə də, reaksiya olmur. Bununla bağlı ölçü götürülmür”.

Adil Qeybulla əlavə edib ki, hazırda şadlıq saraylarında və restoranlarda verilən qidaların 70 faizinin keyfiyyəti aşağıdır:

“Toylarda şablon qidalar verilir. Ən çox da istidadə olunan məhsullardan biri toyuq ətidir. Demək olar ki, hər şeydə istifadə olunur. Kabablar köhnə ətlərdən çəkilmiş ola bilər.

Yaxud da bu qidalar öncədən hazırlanır, lakin isti havalarda xarab olur.

Şadlıq evlərində verilən qidaların 70 faizinin keyfiyyəti inanılmaz dərəcədə aşağıdır. Bunu açıq şəkildə etiraf eləmək lazımdır.

Hesab edirəm ki, restoranlar ucuz məhsullar və qidalarla toyları yola vermək istəyir. Bu da əhalinin başında çatlayır”.

Paylaş »
››› Xəstəxanaların can bazarı – Çalış ölmə!
››› “Ermənistanın Zəngəzur dəhlizini açmaması Rusiyaya qarşı demarş olar”
››› Rusiya və Çexiya arasında diplomatik qalmaqal böyüyür
››› “Zəngəzur namus məsələsidir, güzəşt etmək olmaz”
››› Qərbin hədələri Kremli qorxutdu: Qoşunlarını geri çəkir...
››› Ölkə ərazisindən keçən yük maşınlarına qoyulan 700 dollar tələbi…
››› Zirəddin Rzayev: “Pandemiyanın bitməsi üçün insanlara bir şərt qoyulacaq: çipləşdirmə" - Video
Son xəbərlər
Bütün xəbərlər »