Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Fərid Şəfiyev: "Paşinyanın işğal olunmuş ərazilərə səfəri şoudur"

"Pan-erməni oyunlarının açılış mərasimində iştirak etmək üçün Ermənistanın baş naziri Nikol Paşinyanın Azərbaycanın işğal olunmuş ərazilərinə səfəri davam etməkdə olan təcavüzü legitimləşdirmək məqsədilə növbəti şoudan başqa bir şey deyil".

Bunu Beynəlxalq Münasibətlərin Təhlili Mərkəzinin sədri Fərid Şəfiyev Pan-erməni “oyunları” və pan-erməni problemləri şərh edərkən bildirib.

"Ermənistan tərəfi bu kimi tədbirləri 25 ildir uğursuz şəkildə həyata keçirir. Dünya ictimaiyyəti hərbi təcavüzün nəticələrini tanımır. Ermənistanın inkişaf perspektivlərini bu ölkənin keçmiş prezidenti Robert Koçaryan “Ermənistanın səsi”nə bu yaxınlarda verdiyi müsahibəsində yaxşı izah edib - qocalmaqda olan əhaliyə malik, qapalı sərhədləri olan və iqtisadi baxışa sahib olmayan ölkə.

Təəssüf ki, Ermənistanın nə keçmiş, nə də indiki rəhbərliyi problemdən real çıxış yolunu göstərmir. Bu çıxış yolu isə ölkə daxilində dərin dəyişikliklərlə yanaşı, qonşuları, ilk növbədə isə Azərbaycanla münaqişənin həllindən, mehriban qonşuluq münasibətlərinin ərazi bütövlüyünə və beynəlxalq səviyyədə tanınmış sərhədlərə hörmət kimi fundmental prinsiplərinə hörmətdən keçir.

“Ermənistanın üzləşdiyi çağırışlar” (Paşinyanın dili ilə desək) Ermənistan cəmiyyətinin özü, xüsusilə bu əsrdə deyil, ötən əsrdən formalaşmış ideologiya olan “Böyük Ermənistan” şovinist ideyaları ilə mübarizə aparmamaq istəyi ilə bağlıdır. Pan-erməni oyunları daxili tələbat üçün hazırlanmış məhsul olaraq qalacaq və ola bilsin, müəyyən müddət üçün erməni cəmiyyətinin diqqətini sosial-iqtisadi problemlərdən uzaqlaşdıra biləcək. Regionun gələcəyi davamlı və stabil sülhdən və mehriban qonşuluq münasibətlərini inkişaf etdirmək istəyindən asılıdır", - F.Şəfiyev deyib.(report)

Paylaş »
››› Gəncədə polislə qarşıdurmanın görüntüləri yayımlandı - Video
››› ABŞ İranın raket hücumu nəticəsində xəsarət alan hərbçilərin sayını açıqladı
››› Vilayət Eyvazov Kamran Əliyevlə bağlı əmr imzaladı
››› Putin Kadırova Rusiyada yüksək vəzifə təklif edib
››› Bakı metrosundan şad xəbər

Deputatlığa namizədlərin nəzərinə!

Milli Məclisə seçkilərdə təbliğat-təşviqat kampaniyası artıq başlayıb. Bizim Yol olaraq bildirmək istəyirik ki, biz namizədlərlə yalnız rəsmi müqavilə əsasında əməkdaşlıq edə, onların təbliğat-təşviqat kampaniyasında iştirak edərək dəstək verə bilərik. Bütün layiqli namizədlərə uğurlar arzulayırıq!

Son xəbərlər
Bütün xəbərlər »