Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
"Qara yara təkcə mal-qaradan keçmir, torpaqdan da yoluxa bilərsiniz"

Son dövrlərdə peyvəndlərdən yayındırılan heyvanlarda xəstəliklər aşkarlana bilir. Təəssüf ki, hər il 5-6 baş heyvanda qara yara xəstəliyi aşkar olunur.

Bunu Kənd Təsərrüfatı Nazirliyi yanında Aqrar Xidmətlər Agentliyinin Heyvan sağlamlığı və baytarlıq xidmətlərinin tənzimlənməsi şöbəsinin müdiri Ramiz Salmanov jurnalistlərə açıqlamasında deyib.

O bildirib ki, bu xəstəlik kənardan gələn heyvanlarda müşahidə olunur:

“Onlar da nəzarətə götürülür, peyvəndlənir. Ümumiyyətlə, heyvan kəsilən zaman qan laxtalanmırsa, qara yaradan şübhələnmək lazımdır”.

R.Salmanov onu da əlavə edib ki, qara yara xəstəliyi insana yalnız heyvanlardan yox, torpaqdan da yoluxur:

“Heyvanlar vaxtında profilaktik peyvənd olunmalıdır ki, belə xəstəliklərə yoluxmalar olmasın. Qara yara xəstəliyi torpaqda 80, hətta 100 ilə qədər qala bilir. Heyvanların da qarayaraya yoluxması, əsasən yaz və payız aylarında olur. Yazda heyvan örüş-otlaq sahəsinə gedəndə ot az çıxır, otlayan zaman torpaqla daha çox təmasda olur. Heyvanda da hansısa cızıq olanda qara yaraya yoluxma ehtimalı daha tez yaranır. Lakin bir məqamı diqqətinizə çatdırım ki, əgər heyvan peyvəndlənibsə, ona qara yara virusunu iynə ilə belə vursan, heyvan qara yaraya yoluxa bilməz”.

Paylaş »
››› Çingiz Əhmədovdan həmkarına sərt mesaj: "Rəhman “kukla oynadan” olub da, kim olub ki?!"
››› İranın Ali dini lideri etirazçılara müraciət edib
››› Almaniya məhkəməsi 12 yaşlı azərbaycanlının deportasiya qərarını ləğv edib
››› Ad günündə sevgilisini və dostunu güllələdi
››› SOCAR-ın yüksək vəzifəli əməkdaşının qardaşı Xəzərdə itkin düşdü
Son xəbərlər
Bütün xəbərlər »