Hakimiyyətə gəldikdən sonra radikal dəyişikliklərə əl atan Ukrayna Prezidenti Vladimir Zelenski daha bir məmuru işdən qovub.
“RİA Novosti” xəbər verir ki, V.Zelenski bu dəfə Zaporojye vilayətinin Dövlət Təhlükəsizlik Xidmətinin rəisi Aleksandr Xilkonu işdən azad edib.
Bu barədə dövlət başçısının saytı xəbər yayıb.
A.Xilko 2017-ci ilin fevralından bu vəzifədə çalışıb.
Qeyd edək ki, bu qərara qədər V.Zelenski Odessa, Lvov, Zakarpatya, Çernoviçko, Donetsk və Luqansk əyalətlərinin də Dövlət Təhlükəsizlik Xidməti rəislərini işdən azad edib. (Oxu.az)
