Bu barədə bizimyol.info-ya açıqlamasında “Təmiz Dünya” ictimai birliyinin rəhbəri Mehriban Zeynalova bildirib.
O, Ailə, Qadın və Uşaq Problemləri üzrə Dövlət Komitəsinin Gülər İsmayılovanın intiharı ilə bağlı prinspial mövqeyini dəstəklədiyini bildirib: “Bu və bu kimi cinayətlərdə Cinayət Məcəlləsinin 176-1-ci maddəsinin (Qadını nikaha daxil olmağa məcbur etmə) tətbiqinin tərəfdarıyam. Nə qədər ki biz “mərhəmət” göstərib valideyinin “dərdinə” şərik olacağıq, qanunlar yox streotipləri bu ölkəni idarə edəcək, o zaman streotiplər şah olacaq. Biz streotipləri dəyişməliyik, uşaqların seçim hüququnun valideynlər tərəfindən edilməməsinə nail olmaq üçün qanunların icrasına nail olmalıyıq.”
Bizimyol.info