Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Atanın diqqətsizliyi əkiz uşaqların ölümünə səbəb oldu
korpe_usaq_xestexana_014

Nyu-York ştatında 8 saat maşında qalan bir yaşlı əkizlər istidən dünyalarını dəyişiblər.

Bu barədə New York Post xəbər verib.

Roklend şəhərinin sakini, 39 yaşlı Xuan Rodriges polisə bildirib ki, işlədiyi xəstəxananın həyətində maşınını park edəndə əkizləri Luna ilə Feniksin hələ də maşında olduqlarını bilməyib.

"Mən fikirləşirdim ki, işə gəlməzdən qabaq onları uşaq bağçasında düşürtmüşəm. Mən tamam huşumu itirmişəm. Uşaqlarım məhv oldular, öz uşaqlarımı özüm öldürdüm", - şənbə günü çıxarıldığı məhkəmədə Rodriges hönkürərək deyib.

USA Today qəzeti bildirib ki, Rodrigesə iki maddə - qərəzsiz qətl və ehtiyatsızlıqdan adam öldürmə - üzrə ittiham irəli sürülüb.

Onun vəkili 100 min dollarlıq zəmanət pulu ödəyib, iki saat sonra Rodriges azadlığa buraxılıb.

Çıxışda onu həyat yoldaşı və əkizlərin anası Marissa və iyirmiyədək dostu ilə qohumu qarşılayıblar. Marissa ərini qarşılamağa indi yeganə olan 4 yaşlı oğlunu da gətirib. Bildirilir ki, bu uşağı Rodriges hadisənin baş verdiyi gün digər bağçaya verib. Sonra isə əkizləri də yasliyə qoyduğunu düşünərək sosial xidmətçi işlədiyi xəstəxanaya yollanıb.(Sputnik)

Paylaş »
››› Şənbə-bazar günləri kimlər bayıra çıxa bilər... - Rəsmi açıqlama
››› Nərminin qətli ilə bağlı cinayət işi: “Dilə gətirə bilmədiyimiz işgəncələr veriblər”
››› 10 yaşlı Nərminin qətlində təqsirləndirilən İlkin Süleymanovun məhkəməsi olub - Video
››› Baş Nazir qərar verdi: Cümə günü saat 14:00-dan məhdudiyyət qüvvəyə minir
››› Maskarad başladı: Bu dəfə başqa formada
Son xəbərlər
Bütün xəbərlər »