Cümə axşamı , 22 Avqust, 2019
Baş səhifə / Dünya / Britaniya İranın tankeri ələ keçirməsində “Rusiya izi” tapdı

Britaniya İranın tankeri ələ keçirməsində “Rusiya izi” tapdı

1,455 Views

Iran herbi kateri

Britaniya kəşfiyyatı – Mİ-6 İranın bu ölkəyə məxsus “Stena İmpera” tankerini saxlaması məsələsində Rusiyanın əli olub-olmaması məsələsini araşdırır.

Bu iddia ilə “Sunday Mirror” nəşri çıxış edib. Britaniya tərəfi tankerin saxta GPS məlumatlarına görə İran sularına daxil olmasından ehtiyat edir. Bunu isə İran kəşfiyyatı yalnız “rus casus texnologiyaları”nın yardımı ilə edə bilər.

Belə ki, hadisə zamanı “Stena İmpero” tankerinin köməyinə yola düşən “Montrose” freqatı cəmi 10 dəqiqə gecikib, bu zaman Oman sularında olan tanker artıq İran sularına istiqamətləndirilib.

Məqalədə həmçinin İran və Rusiya kəşfiyyatının Suriyadakı sıx əməkdaşlığına diqqət çəkilib. Nəşrin iddiasına görə, Rusiya tankerin saxlanmasında yalnız “Putinin icazəsi” ilə iştirak edə bilər. (Virtualaz.org)