Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Veteranlar Azərbaycan və Gürcüstan ictimaiyyətinə müraciət etdilər

Azərbaycan Əfqanıstan Müharibəsi Veteranları İctimai Birliyi və Gürcüstanın Əfqanıstan Müharibəsi Veteranları İttifaqının veteranları birgə bəyanat yayıblar.

Bəyanatda bildirilir: “Biz - Azərbaycan və Gürcüstanın Əfqanıstan Müharibəsi Veteranları təşkilatlarının təmsilçiləri bu günlərdə Azərbaycan-Gürcüstan sərhədində, "Keşikçidağ" məntəqəsində baş verən insidentin iki qonşu dövlətin əlaqələrinə, sıx tərəfdaşlıq münasibətlərinə xələl gətirməməsi üçün hər iki ölkənin ictimaiyyətini səbr və təmkin nümayiş etdirməyə çağırırıq”,- deyə veteranlar bildiriblər.

“Xalqlarımızın çoxəsrlik mehriban qonşuluğuna, dövlətlərimizin uzunmüddətli siyasi və iqtisadi əməkdaşlığına kölgə düşməməsi naminə bu kimi insidentlərə soyuqqanlı yanaşılması, hadisələrin ehtiyatla, hərtərəfli təhlil edilərək qiymətləndirilməsini zəruri sayaraq, emosiyalara uymamağı, xarici və daxili bədxahların, regionda sabitliyii pozmağı hədəfləyən dairələrin təxribatlarına əsla rəvac verməməyi tövsiyə edirik. Biz bir zamanlar hər iki xalqın nümayəndələrinin, Azərbaycan və Gürcüstan övladlarının Əfqanıstanda çiyin-çiyinə verərək nümayiş etdirdiyi döyüş qardaşlığı ənənələrinə söykənib bu dəyərli birlik və həmrəyliyin qorunmasını zəruri saydığımızı inamla vurğulayırıq.

Həmçinin onu da bəyan edirik ki, regionun bu iki qədim və şanlı xalqının, həmçinin iki güclü dövlətinin istiqlaliyyət uğrunda, yadellilərə, xarici müdaxiləyə qarşı əsrlər boyu davam edən birgə mübarizə təcrübəsi var və bu təcrübə bizim ən dəyərli ortaq sərvətlərimizdəndir. Odur ki, hər iki xalqın nümayəndələrini, Azərbaycan və Gürcüstan vətəndaşlarını bir daha bu sərvətə layiqincə sahib çıxmağa, təxribatçılara, ara qarışdıranlara qətiyyən fürsət tanımamağa səsləyirik. Əfqanıstan savaşında od-alovdan bərabər keçmiş insanlar olaraq ürəkdən inanırıq ki, xalqlarımızın çoxəsrlik qonşuluq tarixi boyunca dəfələrlə olduğu kimi yenə də qarşılıqlı anlaşma, mehribanlıq, dostluq və qardaşlıq qalib gələcək, Azərbaycan və Gürcüstan arasındakı yüksək münasibətlər sarsılmaz qalacaq, daha da inkişaf edəcəkdir. Mövcud olan hər hansı problem isə iki dövlətin aidiyyətli strukturları tərəfindən müvafiq qaydada öz həllini tapacaqdır”,- deyə bəyanatda qeyd edilir.

Paylaş »
››› Milli Məclisin deputatı vəfat edib
››› “Ermənilər Bakıda” videosunu çəkənlərin kimliyi bilindi
››› Azərbaycanda kişilər ailə qurmağa tələsmirlər - 29 ilin rekord göstəricisi
››› Məktəbli qızların yubkasının uzunluğunu ölçən direktorun səs yazısı yayıldı - Video
››› Lotereyada qazandığı pulla aldığı ərazidən xəzinə çıxdı
Son xəbərlər
Bütün xəbərlər »