Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Paşinyan: “Qarabağın həlli Azərbaycan xalqını da qane etməlidir”
pasinyan

Yerevanla Bakı arasında “qaynar xətt” işləyir, lakin bu, təəssüf ki, qurbanların olmayacağına zəmanət vermir.

Virtualaz.org xəbər verir ki, bunu “Azadlıq” radiosunun erməni xidmətinə verdiyi müsahibədə Ermənistanın baş naziri Nikol Paşinyan deyib.

“Biz danışıqların konkret nəticələrə gətirməsi üzərində işləyirik. Nəyə görə danışıqların konkret nəticəsi yoxdur? Beynəlxalq ictimaiyyətin nümayəndələri ilə görüşlərdə mən vəziyyəti təsvir edib, tərəqqinin olmamasını izah etmək istəyəndə deyirəm ki, bir səbəb var. Mən Ermənistanın baş naziri seçilərkən bildirdim ki, Qarabağ məsələsinin həlli üçün elə variant lazımdır ki, Ermənistan, Qarabağ və Azərbaycan xalqları üçün qənaətbəxş olsun. Bu, müəyyən mənada misli görünməmiş bəyanatdır, belə ki, Ermənistanın heç bir rəhbəri deməmişdi ki, həll Azərbaycan xalqı üçün də qaneedici olmalıdır”, - Paşinyan bildirib və əminlik ifadə edib ki, bu, danışıqlarda tərəqqi üçün ciddi əsas yaradır.

Paşinyan əlavə edib ki, kimsə Azərbaycan üçün qənaətbəxş həllin Ermənistan üçün yolverilməz olacağını düşünə bilər. “Kimsə belə düşünürsə, o, nə Qarabağ xalqını, nə Ermənistan xalqını, nə də ümumilikdə erməni xalqını tanımır”, - baş nazir qeyd edib.

Paylaş »
››› Sayt təsisçisi Nərminin qətli ilə bağlı Baş Prokurorluğa çağırılıb
››› Sahil Babayev: “Bu ay pensiyalarda növbəti artım olacaq”
››› "Təyyarə vurulmazdan az əvvəl İran yaxınlığında 6 ABŞ qırıcısı uçurdu..."
››› Minlərlə insanın qatili olan İŞİD-çi yaxalandı: Kök olduğuna görə yük maşınında aparıblar - Foto
››› General: “Azərbaycan-Ermənistan sərhədində vəziyyət gərginləşib”

Deputatlığa namizədlərin nəzərinə!

Milli Məclisə seçkilərdə təbliğat-təşviqat kampaniyası artıq başlayıb. Bizim Yol olaraq bildirmək istəyirik ki, biz namizədlərlə yalnız rəsmi müqavilə əsasında əməkdaşlıq edə, onların təbliğat-təşviqat kampaniyasında iştirak edərək dəstək verə bilərik. Bütün layiqli namizədlərə uğurlar arzulayırıq!

Son xəbərlər
Bütün xəbərlər »