Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Kim Çen In üçün Almaniyadan "Mercedes"i gizli yolla necə göndərirlər...

Amerikalı mütəxəssislər Qərbdən Şimali Koreyaya Kim Çen In üçün bahalı əşyaların çatdırılması yolunu müəyyən edib. Vaşinqtondakı müdafiə sahəsində perspektivli tədqiqatlar mərkəzi bununla bağlı dəqiq hesabat açıqlayıb.

Bizimyol.info xəbər verir ki, mərkəzin əməkdaşları Almaniyadan Şimali Koreyaya dövlət başçısı Kim Çen In üçün iki “Mercedes-Maybach S600”-ün necə göndərilməsini araşdırmağa 8 ayını sərf edib. Bu avtomobildə KXDR lideri keçən il Cənubi Koreyanın prezidenti Mun Çje İn ilə görüşə getmişdi.

Kim Çen In Kim Çen Inın limuzini

Mütəxəssislər gömrük göstəricilərini araşdıraraq üzə çıxarıb ki, Almaniyadan “Mercedes”i bir növ gizli yolla göndərirlər. Axırıncı dəfə iyunun 14-də Rotterdam (Hollandiya) portundan dəyəri 500 min dollar olan “Mercedes-Maybach S600” yola salınıb. Avtomobil əvvəlcə gəmi ilə Dalyana (Çin) çatdırılıb. Sonra Osaka (Yaponiya), Pusan (Cənubi Koreya) dayanacaqlarının adı çəkilir. Burada iz itir. Sonradan DN5505 gəmisinin yükü apardığı informasiyası gəlir. Avtomobillər bir də Rusiyanın Naxodka şəhərində peyda olur. Ruslar izin itirilməsində birbaşa rol oynayır. Rusiyadan Şimali Koreyaya əşya çatdırılması isə problem deyil. Oktyabrın 7-də Pxenyandan Vladivostoka planlaşdırılmamış təyyarə uçuşunun olduğu qeyd edilir. Mütəxəssislər “İl 76” ilə DN5505-in əlaqəsini heç cür dəqiqləşdirə bilməyib. Böyük ehtimalla, gəmi ilə Vladivostoka çatdırılan avtomobillər həmin yük təyyarəsi ilə Şimali Koreyaya yola düşüb.

Kim Çen In Kim Çen In / Foto: Youtube @Guardian News

“Mercedes-Benz” istehsalı ilə məşğul olan “Daimler” konserni KXDR ilə əlaqəsini inkar edir. Şirkətdən deyirlər ki, Şimali Koreya ilə ticarət əlaqələrini 15 ildir kəsiblər. Müştəriləri dəqiq araşdırırlar, amma sonrakı mərhələdə satışlara nəzarət edə bilmirlər.

İlk nüvə sınağından sonra Şimali Koreyaya məhsul çatdırılması qadağan olunub. Zamanla qadağan olunmuş malların siyahısı genişlənir.

Son xəbərlər
Bütün xəbərlər »