Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Elinanın valideynləri direktorun həbsini və həkimlərin cəzalanmasını tələb edirlər - Fotolar
Elina Hacıyeva

Elina Hacıyevanın intiharı cəmiyyətdə böyük rezonans doğurmuşdu, sosial şəbəkələrdə çox müzakirə olunmuşdu. Səkkizinci sinif şagirdinin özünü üçüncü mərtəbədən ataraq öldürməsində 162 saylı məktəbin rəhbərliyi günahlandırılır, həkim məsuliyyətsizliyindən danışılırdı.

Bizimyol.info xəbər verir ki, mətbuat konfransı keçirən Elinanın valideynləri istintaqın gedişindən narazılıq ifadə edib. Məktəblinin anası Sevil Hüseynova direktor Sevinc Abbasovanın həbs olunmamasına etirazını bildirib.

Sevinc Abbasova Sevinc Abbasova

Ana direktorun kiməsə güvəndiyini, ev dustaqlığının gözdən pərdə asmaq olduğunu dilə gətirib. Abbasova apellyasiya məhkəməsinə şikayət verəcəklərini söyləyib.

Elinanın valideynləri Ədalət Hacıyev və Sevil Hüseynova Elinanın valideynləri Ədalət Hacıyev və Sevil Hüseynova

Elinanın atası Ədalət Hacıyev deyir ki, təkcə məktəb rəhbərliyi yox, həkimlər də günahkardır. Onun fikrincə, Kliniki Tibbi Mərkəzin heyəti ciddi məsuliyyətsizlik nümunəsi göstərib: “Üstünə adicə mələfə atıb aparmışdılar. Xəstəxanada uşağıma baxmamışdılar. Həmin adamlar hələ də orda işləyirlər”.

Elinanın valideynlərinin mətbuat konfransı Elinanın valideynlərinin mətbuat konfransı

Vəkil Sevinc Vəliyeva verdikləri xeyli vəsatətdən yalnız dördünün vacib sayıldığını, amma heç birinin təmin olumadığını bildirib. Zərərçəkən tərəf tanınmış mütəxəssisin tibbi ekspertiza keçirən heyətə daxil edilməsini istəyirmiş. Bundan başqa, Səbail Rayon İcra Hakimiyyəti başçısının müavini Xalidə Bayramova ilə üzləşmə vəsatət predmeti olub. Amma vəsatətlərə müsbət cavab verilməyib.

Elinanın anası Sevil Hüseynova Elinanın anası Sevil Hüseynova

Vəkil Azər Nağıyev deyib ki, Sevinc Abbasova Elinanın ailəsi ilə barışmaq üçün heç bir addım atmayıb. Vəkilin fikrincə, sanki direktor özünü günahkar saymır.

Xalidə Bayramova Xalidə Bayramova

Sevil Hüseynova danışır ki, hadisədən sonra Xalidə Bayramova onların evinə gəlib. İcra başçısının müavini dəfn üçün yer təklif edib. Elinanın yaxınları buna razı olmayıb.

Paylaş »
››› Zooparkdan paylaşılan şəkillər hamını heyrətə gətirdi - Fotolar
››› Astroloqlar bu il hansı bürclərin bəxtinin gətirəcəyini deyir...
››› Baş Prokurorluq Nərminin qətl işi ilə bağlı daha bir xəbər portalına xəbərdarlıq edib
››› Keçmiş nazir deputat seçdirir - Foto
››› 500 fəhlə işdən qovuldu: İcra başçısı məsələ ilə bağlı Bakıya gəldi

Deputatlığa namizədlərin nəzərinə!

Milli Məclisə seçkilərdə təbliğat-təşviqat kampaniyası artıq başlayıb. Bizim Yol olaraq bildirmək istəyirik ki, biz namizədlərlə yalnız rəsmi müqavilə əsasında əməkdaşlıq edə, onların təbliğat-təşviqat kampaniyasında iştirak edərək dəstək verə bilərik. Bütün layiqli namizədlərə uğurlar arzulayırıq!

Son xəbərlər
Bütün xəbərlər »