Bazar , 18 Avqust, 2019
Baş səhifə / Bizim seçim / Metro vaqonunda siqaret çəkib oturacağın üzərində söndürən sərnişin axtarılır

Metro vaqonunda siqaret çəkib oturacağın üzərində söndürən sərnişin axtarılır

1,382 Views

Metroda siqaret

Xəbər verdiyimiz kimi dünən axşam saatlarında metropolitendə xoşagəlməz hadisə yaşanıb.

Bizimyol.info xəbər verir ki, metronun “Gənclik” stansyasında qatara minən şəxs metropolitendən istifadə qaydalarını pozaraq vaqonda siqaret çəkməyə başlayıb. Bir neçə siqaret çəkən sərnişin onu oturacaqda söndürərək vaqonun içinə atıb. Bunu isə digər sərnişinlər vidogörüntüyə alıblar.

Məsələ ilə bağlı Bizimyol.info -ya açıqlama verən “Bakı Metropoliteni” QSC mətbuat xidmətinin rəhbəri Bəxtiyar Məmmədov bildirib ki, hazırda həmin hadisə ilə bağlı araşdırma aparılır və həmin şəxsin şəxsiyyətinin müəyyənləşdirilməsi istiqamətində işlər görülür:

“Qanunvericilikdə siqaret çəkməklə bağlı cərimə də nəzərdə tutulub. Bakı Metropoliteni bu hadisə ilə bağlı araşdırmaya da başlayıb. Həmin şəxsin şəxsiyyətinin müəyyənləşdirilməsi ilə bağlı işlər aparılır. Sadəcə olaraq hadisənin baş verməsi ilə bağlı koordinatlar, müəyyən vaxt və yer olmadığına görə çətinlik yaşanır. belə hallarda sərnişinlər də fəal olmalıdırlar. Dərhal maşinistlə əlaqə saxlanılmalı idi. Maşinistə rabitə vasitəsilə bildirildikdən sonra maşinist də tədbir görülməsi üçün rəhbərliyə müraciət edir. Eyni zamanda vətəndaşlar metopoliten işçisinə, polisə də müraciət edə bilərlər.

Biz hansısa vətəndaşa siqaretlə metroya daxil olmaq olmaz deyə qadağa qoya bilmərik, sərnişinlərin, vətəndaşların öz hüquqları var. Vaqonlarda quraşdırılan kameralar vasitəsilə bu hadisə tam şəkildə araşdırılacaq”.

Bizimyol.info