Bazar , 21 İyul, 2019
Baş səhifə / Cəmiyyət / Küləkli hava nə vaxta qədər davam edəcək?

Küləkli hava nə vaxta qədər davam edəcək?

564 Views

Milli Hidrometeorologiya Departamentinin məlumatına əsasən iyul ayının 12-də axşam qərb rayonlarından başlayaraq küləyin güclənməsi müşahidə edilir.

Qaynarinfo xəbər verir ki, küləyin maksimal sürəti Gəncədə saat 16:08-16:20 radələrində 23-28 m/s, Tovuzda 26 m/s, Ağstafada 16-18 m/s, Şəmkirdə qərb küləyi 22 m/s-yə çatıb. Gədəbəydə 16:02-16:03 radələrində diametri 11 mm olan dolu qeydə alınıb. Ölkə ərazisində qeyri-sabit hava şəraiti iyulun 14-ü gündüzədək davam edəcək.

ETSN-nin Milli Hidrometeorologiya departamentinin saat 21.00-a olan məlumatına görə qərb küləyi Naftalanda 30-34m/s, Tərtərdə 25-30 m/s, Şəmkirdə 22 m/s, Bərdədə 25 m/s, Yevlaxda 17-20 m/s, Mingəçevirdə 17 m/s, Sumqayıtda 18 m/s, Bakıda 22 m/s- dək güclənib. 20:05 radələrində Göy-Göl və ətraf kəndlərə dolu düşüb.