Dünyanın ən zəngin adamı sayılan Ceff Bezos həyat yoldaşı Makkenzidən boşanmaqla xeyli pul itirmişdi. “Amazon” şirkətinin rəhbəri qadına 35 milyard dollardan çox verməli olmuşdu.
Bizimyol.info xəbər verir ki, boşanmaq Bezoslara düşüb. Hər ikisi sərvətini artırmağa başlayıb. Ceff Makkenzidən ayrılandan sonra 8 milyard dollardan çox qazanıb. Qadının da azı 5 milyard dollar gəlir əldə etdiyi bildirilir.
İndi Ceff dünyanın ən zəngin adamlarının siyahısına 124 milyard dollarla başçılıq edir. Makkenzi 40,1 milyard dollarla 22-ci yerdədir.
İkinci pillədə qərarlaşan Bil Qeytsin 107, öz gücünə son bir ildə ən çox pul qazanmış insan sayılan Bernar Arnonun 106 milyard dolları var.