Xəbər verdiyimiz kimi 8 iyul axşam saatlarında Bakı-Tbilisi qatarında qəza baş verib. Belə ki, elektrik naqili qoparaq qatarın üzərinə düşmüş və 2 saatlıq gecikmə və sərnişinlar arasında ciddi narahatlıq yaranmışdı. Məsələ ilə bağlı "Azərbaycan Dəmir Yolları" QSC rəsmi məlumat yayıb.

Məlumatda biuldirilib ki, qəza nəticəsində heç kim xəsarət almayıb və heç bir yanğın hadisəsi baş verməyib: "Bəzi kütləvi informasiya vasitələrində dəmir yolunun Padar-Sığırlı mənzilində dünən gecə baş vermis hadisə ilə bağlı həqiqətə uyğun olmayan məlumatlar yayılıb. Həmin məlumatlarda qeyd olunur ki, guya hadisə yerində yanğın baş verib, sərnişinlər arasında ajiotaj yaranıb. Məlumat üçün bildiririk ki, bu informasiyalar tamamilə yanlışdır və özündə heç bir həqiqəti əks etdirmir.

Hadisə ilə bağlı aşağıdakıları bildirməyi vacib sayırıq. 8 iyul 2019-cu ildə saat 23:22-də dəmir yolunun Padar-Sığırlı mənzilinin 376-cı kilometrində 38 saylı Bakı-Tbilisi sərnişin qatarı hərəkətdə olarkən, elektrovozun hərəkət istiqamətində arxa seksiyanın cərəyanqəbuledicisi zədələnmiş, kontakt naqilində qopmalar baş vermişdir. Təcili olaraq bərpa işlərinə başlanılmış, elektrovozun cərəyanqəbuledicisi və kontakt naqili müvafiq qaydaya gətirildikdən sonra, qatar 9 iyun gecə saat 02:10-da təyinatı üzrə yola salınmışdır.

“Azərbaycan Dəmir Yolları” QSC olaraq bildiririk ki, hadisə nəticəsində heç bir yanğın baş verməmiş, xəsarət alan olamamış, texniki qurğularda baş vermiş nasazlıqlardan başqa digər hallara yol verilməmişdir. Hadisə nəticəsində Bakı-Tbilisi sərnişin qatarının hərəkətində 2 saat ləngimə qeydə alınmışdir. Hazırda qatarlar öz qrafiki ilə hərəkət edir".

Bizimyol.info