ABŞ-ın Beynəlxalq respublikaçılar institutu Ermənistanda keçirdiyi sosioloji sorğunun nəticələrini açıqlayıb.

Virtualaz.org “Hraparak” nəşrinə istinadən xəbər verir ki, nəticələrə görə, Ermənistan prezidenti Armen Sarkisyan əhali arasında populyarlıq göstəricisinə görə baş nazir Nikol Paşinyanı vurub keçib.

Belə ki, baş nazirin reytinqi 56%, prezidentin reytinqi isə 61% təşkil edib.

Partiyaların reytinqində hakim “Mənim addımım” bloku 52%-lə liderdir. Onun ardınca siyahıda “Çiçəklənən Ermənistan” (12%), Ermənistan Respublikaçılar Pariyası (5,1%) və “Daşnaksütun” (3,5%) gəlir.